កាលពីយប់ថ្ងៃទី៣០ ខែកក្កដាកន្លងទៅនេះ លោកម៉មពេជ្ជរិទ្ធ ម្ចាស់បទចំរៀងមិនអាចឃាត់ទេបានធ្វើការប្រគុំតន្រ្តីLiveBandនៅក្នុងACELoungeandRestaurant។ គួរអោយភ្ញាក់ផ្អើលផងដែរ បន្ទាប់មកក៏មានវីឌីអូដែលត្រូវបានបង្ហេាះក្នុងបណ្តាញសង្គមTikTokបានធ្វើការចែករំលែកច្រើននូវការច្រៀងឆ្លើយឆ្លងគ្នារបស់លោកម៉មពេជ្ជរិទ្ធរួមគ្នាជាមួយបេក្ខជនឆ្នើមរបស់កម្មវិធីCambodianIdolលោកថុលសុភិទិនៅលើវេទិកានេាះផងដែរ។ អ្នកទាំងពីរហាក់ដូចគ្នាមានភាពស៊ីចង្វាក់គ្នាច្រៀងឆ្លើយឆ្លងគ្នាទៅមក និងមានភាពស្និទ្ធស្នាលនឹងគ្នាថែមទៀត។ នៅពេលបញ្ចប់នូវបទចំរៀង លោកថុលសុភិទិ និងលោកម៉មពេជ្ជរិទ្ធក៏បានអោបគ្នា រួចសំពះគោរពគ្នាទៅមកជាមួយស្នាមញញឹមរាក់ទាក់ និងរួសរាយ។
ការសម្តែងរួមគ្នារបស់ពួកគេទាំងពីរសាងបានបរិយាកាសពន្ញាក់អារម្មណ៍មួយសំរាប់ភ្ញៀវចូលរួមទស្សនា ហើយការមកជួបគ្នាជាលើកដំបូងនេះធ្វើអោយគ្រប់គ្នាមិននឹកស្មានដល់ ដូចជាក្តីសុបិន្តមួយបានក្លាយជាការពិតអ៊ីចឹងព្រេាះម្នាក់ៗសុទ្ធតែជាអាយដលស្រស់់សង្ហាៗហើយមានទឹកដមសំលេងផ្អែមមួយបែបៗម្នាក់ បូករួមទាំងអត្តចរិតម្យ៉ាងម្នាក់ទៀតនេាះបង្ហាញភាពប្លែកពីគ្នាផ្តល់ជាភាពទាក់ទាញរៀងៗខ្លួន។ បទចំរៀងដែលពួកគេបានបកស្រាយច្រៀងរួមគ្នាគឺជាបទ«មិនអាចឃាត់ទេ»តែម្តង នេាះហើយរឹតតែធ្វើអោយឈុតឆាកសម្តែងលើឆាកកាន់តែពិសេស មិនអាចខកខានបាន ដែលធ្វើអោយទស្សនិកអញ្ជើញចូលរួមទស្សនាមានក្តីរំភើប ទះដៃហ៊ោកញ្ជៀវ ទាញទូរសព្ទ័មកថតចែករំលែកបន្តគ្នានៅលើបណ្តាញសង្គម និងស្រែកច្រៀងតាមអ្នកទាំងពីរទាំងអារម្មណ៍លន្លង់លន្លោច។ យ៉ាងណាមិញលោកម៉មពេជ្ជរិទ្ធនឹងមានការប្រគុំតន្រ្តីLive Bandជាថ្មីម្តងទៀតនៅក្នុងQueenClubនាថ្ងៃទី០៥ ខែសីហានេះហើយ។ ចង់ដឹងថានឹងមានការអញ្ជើញចូលរួមដោយលោកថុលសុភិទិដែររឺទេ?រឺមួយថាលោកថុលសុភិទិមានភាពមមាញឹកនឹងត្រៀមឡើងឆាកប្រលងនៅក្នុងកម្មវិធីCambodian Idolនាសប្តាហ៍ក្រោយនេះ?
