ខ្សែប្រយុទ្ធឈានមុខរបស់អាហ្សង់ទីនលោក Lionel Messi បានឈ្នះ Golden Ball និងទីបំផុតបានក្លាយជាកីឡាករដំបូងគេបង្អស់នៅក្នុងប្រវត្តិសាស្រ្តនៃការប្រកួតដែលឈ្នះទទួលបានពានរង្វាន់នេះដល់ទៅពីរដង។ Messi ត្រូវបានទទួលស្គាល់ជាកីឡាករឆ្នើមជាងគេកាលពីឆ្នាំ២០១៤ ផងដែរនៅពេលក្រុម Albiceleste របស់អាហ្សង់ទីនស្ថិតនៅក្នុងលំដាប់រងបន្ទាប់ពីអាល្លឺម៉ង់។ ពានរង្វាន់FIFA World Cup Golden Ball គឺសំរាប់ប្រគល់អោយកីឡាករបាល់ទាត់ឆ្នើមជាងគេនៃការប្រកួត និងមិនមានការសង្ស័យច្រើននោះទេដែលលោក Messi អាចទទួលបានពានរង្វាន់នេះបាននៅក្នុងកម្មវិធីប្រកួតបាល់ទាត់នៅឯប្រទេស Qatar បន្ទាប់ពីលោកទទួលបាន 7goals និង 3 assists ផងដែរ។
ក៏ដូចគ្នាផងដែរគ្មានអ្វីអាចបញ្ឈប់ក្រុមខៀវសរបស់អាហ្សង់ទីនបានទេ ខណៈពេលលោក Messi និង Angel Di Maria អាចសង្គ្រោះក្រុមបាននៅតង់ទី១ពីអតីត Champian របស់ World Cup គឺក្រុមបារាំង។ គួរបញ្ជាក់ផងដែរកីឡាករទទួលបានពានរង្វាន់ Golden Ball នេះកន្លងមកមានដូចជាលោក Ronaldo នៃក្រុមប្រេហ្ស៊ីល ដែលទទួលបានកាលពីឆ្នាំ១៩៩៨ ដោយនៅក្នុងនោះប្រទេសប្រេហ្ស៊ីលឈ្នះបានពីរដងផងដែរកាលពីឆ្នាំ១៩៩៤ ខណៈដែលអាហ្សង់ទីនឈ្នះបានចំនួន៣លើកនៅឆ្នាំ១៩៨៦ ឆ្នាំ២០១៤ និងឆ្នាំ២០២២។