រថក្រោះបានដើរតួនាទីយ៉ាងសំខាន់នៅក្នុងជម្លោះអ៊ុយក្រែន។ ជាមួយភាគីទាំងពីរបានប្រើប្រាស់ពួកវានៅក្នុងសមត្ថភាពផ្សេងៗគ្នា។ប្រទេសរុស្ស៊ីជាប្រទេសធំជាងគេលើពិភពលោកដែលមានកងរថក្រោះដាក់ពង្រាយយ៉ាងធំទូលាយដែលមានចាប់តាំងពីការចាប់ផ្តើមនៃការវាយលុកដ៏ពេញលេញរបស់ពួកគេមកលើអ៊ុយក្រែនម្ល៉េះ។ ផ្ទុយទៅវិញ អ៊ុយក្រែនដែលដំបូងមានការខ្វះខាតចំនួនរថក្រោះជាច្រើន ក៏បានទទួលការបរិច្ចាគរថក្រោះពីសម្ព័ន្ធមិត្តរបស់ពួកគេ។ នេះបានប្រែក្លាយសមរភូមិទៅជាការបង្អួតគ្នាទៅវិញទៅមក មិនត្រឹមតែរវាងរថក្រោះរុស្ស៊ីនិងអ៊ុយក្រែនប៉ុណ្ណោះទេ ប៉ុន្តែក៏នៅរវាងបច្ចេកវិទ្យារថក្រោះសូវៀត និងលោកខាងលិចផងដែរ។ ការប្រើប្រាស់រថក្រោះជាច្រើននេះបានបណ្តាលឱ្យមានការបាត់បង់ចំនួនយ៉ាងច្រើន។
ជាមួយនឹងមួយចំនួនត្រូវបានធ្លាក់ចូលទៅក្នុងកណ្តាប់ដៃសត្រូវ និងមួយចំនួនទៀតត្រូវបានដណ្តើមយកទៅទាំងក្នុងស្ថានភាពដំណើរការនៅល្អទាំងស្រុង។ ថ្មីៗនេះវីដេអូប្រព័ន្ធផ្សព្វផ្សាយសង្គម បានបង្ហាញពីរថយន្តដឹកទំនិញមួយគ្រឿងបានដឹកជញ្ជូនរថក្រោះ Leopard 2A6 មួយគ្រឿងនៅខាងក្នុងប្រទេសរុស្ស៊ី។ រថក្រោះនេះដែលផលិតឡើងដោយអាឡឺម៉ង់និងបរិច្ចាគដល់កងកម្លាំងអ៊ុយក្រែន ហើយត្រូវបានចាត់ទុកថាជារថក្រោះដ៏ខ្លាំងបំផុតរបស់អ៊ុយក្រែន គឺត្រូវបានដណ្តើមយកទៅបន្ទាប់ពីការប្រយុទ្ធយ៉ាងខ្លាំងក្លានៅតំបន់Avdiivka។ រថក្រោះដែលដណ្តើមបានគឺហាក់ដូចជាស្ថិតនៅក្នុងស្ថានភាពល្អគួរសម។ ទាហានបាននិយាយថាការជម្លៀសរថក្រោះនេះពិតជាលំបាកណាស់ ដោយសារតែវាស្ថិតនៅជិតតំបន់ប្រយុទ្ធសកម្មប៉ុន្តែពួកគេអាចផ្លាស់ទីវាបានសម្រេចដោយបន្ទាប់ពីផ្លូវត្រូវបានបំផ្លាញដោយបន្ទុះ។ របាយការណ៍របស់រុស្ស៊ីបញ្ជាក់ថាក្រុមជួសជុលនិងជម្លៀសបានព្យាយាមទាញយករថក្រោះនេះពីសមរភូមិប៉ុន្តែការប្រឹងប្រែងរបស់ពួកគេមិនទទួលបានជោគជ័យទេ។
ដូច្នេះហើយរថក្រោះត្រូវដឹកជញ្ជូនទៅកាន់ទីក្រុងម៉ូស្គូជំនួសវិញចាត់ទុកជារង្វាន់នៃសង្គ្រាមដ៏មានតម្លៃសម្រាប់ការសិក្សាស្រាវជ្រាវដោយអ្នកឯកទេសរុស្ស៊ី។ យោធាអ៊ុយក្រែន តាមសេចក្តីរាយការណ៍គឺមាននូវរថក្រោះនេះចំនួន២១គ្រឿង ខណៈក្នុងនោះរថក្រោះចំនួន 18 គ្រឿងត្រូវបានផ្តល់ជូនដោយប្រទេសអាឡឺម៉ង់និងសេសសល់ផ្សេងទៀតគឺបានពីព័រទុយហ្គាល់។ រថក្រោះ Leopard 286 គឺជាកំណែដ៏ទំនើបនៃរថក្រោះអាល្លឺម៉ង់ដ៏ល្បីល្បាញ។ ជាមួយនឹងល្បឿនកំពូលរបស់វាប្រហែល 68 គីឡូម៉ែត្រក្នុងមួយម៉ោងនិងរយៈចម្ងាយប្រហែល 500 គីឡូម៉ែត្រ រថក្រោះ Leopard 286 បានបង្ហាញពីឧត្តមភាពចល័តដ៏អស្ចារ្យក្នុងសមរភូមិ។ លើសពីនេះទៀត វាត្រូវបានបំពាក់ជាមួយនឹងប្រព័ន្ធគ្រប់គ្រងការបាញ់ដ៏ទំនើប។ ខណៈពេលដែល Leopard 2a6 ហាក់ដូចជាមានប្រយោជន៍សម្រាប់អ៊ុយក្រែន, ការពិតទៅគឺវាមិនបែបនោះទាំងស្រុងទេ។
នេះបើតាមការបញ្ជាក់របស់មន្ត្រីជាន់ខ្ពស់អ្នកនយោបាយអាល្លឺម៉ង់លោក Sebastian schaefer បាននិយាយកាលពីចុងខែមករាថា ភាគច្រើននៃរថក្រោះ Leopard 2a6 ផ្តល់អោយអ៊ុយក្រែនត្រូវបានរាយការណ៍ថាមិនអាចប្រើបានដោយសារបញ្ហាពិបាកជួសជុល និងថែទាំ។ លោក schaefer បានចង្អុលបង្ហាញថាដោយសារមជ្ឈមណ្ឌលតំហែទាំនៅលីទុយអានីមិនមានគ្រឿងបន្លាស់ទាំងអស់ទេ។ គួរឱ្យចាប់អារម្មណ៍ថា រថក្រោះនេះមិនមែនជាលើកទីមួយទេដែលត្រូវដណ្តើមបានដោយរុស្ស៊ី។ នៅថ្ងៃទី 10 ខែមីនារូបថតមួយត្រូវបានចេញផ្សាយដោយប្រភពរុស្ស៊ី បង្ហាញថាទាហានរុស្ស៊ីបានកំពុងឈរនៅក្បែររថក្រោះ Leopard 2a6 ដំណើរការនៅល្អមួយគ្រឿង។ ពួកគេបានអះអាងថារថក្រោះនេះត្រូវបានដណ្តើមដោយពួកគេ។ ប្រភពអ៊ុយក្រែននិងអាល្លឺម៉ង់ក៏បានបញ្ជាក់ផងដែរថា នេះពិតជារថក្រោះ Leopard 2a6 ពិតប្រាកដមែន។
