វិលត្រលប់ទៅកាលពីមួយសប្តាហ៍មុន Legend Khmer1Jivet និងគ្រួសាររបស់លោកបានធ្វើដំណើរមកកាន់ទឹកដីកម្ពុជាវិញដោយភាពស្ងៀមស្ងាត់មែនទែន ខណៈដែលខាងបណ្តាអ្នកគាំទ្រ ក៏ដូចជាក្រុមការងារបារមី និងបណ្តាមិត្តភក្តិរបស់លោកហាក់ដូចជាមានក្តីរំភើបរីករាយ និងមោទនភាពយ៉ាងខ្លាំងចំពោះដំណើរមាតុភូមិនិវត្តរ៍របស់ Legend របស់យើង។
ជាក់ស្តែងអមនឹងការទទួលស្វាគមន៍យ៉ាងកក់ក្តៅ អ្នកគ្រប់គ្រងទូទៅរបស់ក្រុមហ៊ុនបារមីក៏បានបង្ហាញចំណាប់អារម្មណ៍តាមរយៈ Vlog ទទួលស្វាគមន៍លោកខ្មែរមួយជីវិតដូចគ្នាថា«Finally the legend is back! Waiting to do a couple of shows and connecting with people again»។
នេះគឺជាសំរង់ពាក្យសំដីដែលបង្ហាញពីការទន្ទឹងរង់ចាំជាខ្លាំងរបស់ក្រុមបារមី ក៏ដូចជាអ្នកគាំទ្ររបស់លោកនៅក្នុងប្រទេសកម្ពុជា។ យ៉ាងណាមិញកាលពីថ្ងៃទី០១ ខែសីហាកន្លងទៅនេះ បន្ទាប់ពីដំណើរស្នាក់អាស្រ័យក្នុងប្រទេសកម្ពុជាអស់រយៈពេលប្រមាណជាមួយសប្តាហ៍ លោកខ្មែរមួយជីវីតក៏ទើបតែបានបញ្ចេញដំណឹងថ្មីមួយអមនឹងរូបភាពមួយសន្លឹករួមគ្នាជាមួយលោកវណ្ណដាថា«We finally here! ជិតចេញមែនទែនហើយ»។
បន្ទាប់មកលោកក៏បានបង្ហោះ Status មួយទៀតឡើងថា«Phnom Penh City are you ready for បទថ្មី! ទំលាក់ក្នុងពេលឆាប់ៗនេះ! Please Follow: Khmer1Jivit Official For Following Update»។ តើនេះគឺជាការត្រៀមចេញបទថ្មីរបស់លោករួមគ្នាជាមួយលោកវណ្ណដាមែនដែររឺទេ? ហើយតើ Coach ទី៤នៃកម្មវិធី The Rapper Cambodiaមួយរូបនេះត្រៀមខ្លួនយ៉ាងដូចម្តេចសំរាប់កម្មវិធីមួយនេះនាពេលឆាប់ៗខាងមុខ? តើទស្សនិកជនយល់ឃើញយ៉ាងណាដែរ?
