នេះជាលើកដំបូងហើយដែលឃើញថាក្រុម La Cima Cartel បានចែករំលែកព័ត៌មានជាច្រើនរបស់ខ្លួនតាមរយៈកម្មវិធី Podcast។ ដោយនៅក្នុងសប្តាហ៍នេះ La Cima Cartel បានបង្ហាញខ្លួននៅក្នុងកម្មវិធី Rean Podcast របស់ពូជ្រួញ ធ្វើអោយទស្សនិកជនជាច្រើនមានការស្ទើរតែមិននឹកស្មានដល់នឹងវត្តមានរ​​​បស់កំពូលសិល្បកររបស់យើង! នៅក្នុង Episode នេះ ​​​La Cima Cartel បានចែករំលែករឿងរ៉ាវជាច្រើនដូចជាពាក់ព័ន្ធនឹងការដាក់ឈ្មោះរបស់ក្រុម ឬសគល់នៃប្រភពកំណើតរបស់សមាជិកម្នាក់ៗ ក៏ដូចជាដំណើរការធ្វើការងារជាក្រុមផងដែរ។ អាថ៌កំបាំងមួយចំនួនក៏ត្រូវបានស្រាយឡើងមានដូចជា ជាការពិតទៅក្រុម La Cima Cartel ដំបូងឡើយគឺផ្តើមឡើងដោយ២ក្រុម ដែល Mix ចូលគ្នានោះទេ ហើយឈ្មោះរបស់ពួកគេក៏ត្រូវបានដាក់ឡើងនៅឯហាងលក់ខោអាវមួយ។ 

ដោយលោក Hasha គឺជាអ្នកលក់ខោអាវ ហើយក៏ត្រូវបាន Manager បស់លោកពឹងពាក់អោយជួយដាក់ឈ្មោះបន្ថែមលើពាក្យ«Cartel»។ លោក Hasha ក៏បានពាក្យបន្ថែមថា«La Cima»នេះ ដែលប្រែថា«The Top» ក្នុងភាសាអ៊ីតាលី។ La Cima Cartel ក៏បានចែករំលែកអោយដឹងទៀតថា ពួកគេត្រូវបានបង្ហាត់បង្រៀនយ៉ាងតឹងតែងដោយលោកសង្ហា និងស្ថិតក្រោមការគ្រប់គ្រងដឹកនាំឡើងដោយលោកធី។ ខណៈនៅក្នុងប្រវត្តិរបស់សមាជិកម្នាក់ៗ គួរអោយកត់សម្គាល់ផងដែរថា លោក Dizzy បានចាប់ផ្តើមចេញពីការ Inspire ពីលោក Rakhie ប៉ុណ្ណោះ ដែលតាំងតែពីពួកគេនៅសម័យដើរជា Bestfriend នឹងគ្នាជាមួយនឹងលោក Tomieម្នាក់ទៀត និងតែងតែ Freestyle លេងនៅហាងកាហ្វេជាមួយគ្នា។ នៅក្នុងការផលិតចំរៀង គឺមានលោកធីជាអ្នកតំរង់ផ្លូវច្រើន ប៉ុន្តែពួកគេ​​​មានសេរីភាពក្នុងការធ្វើអ្វីមួយដែលពួកគេចង់ធ្វើ។