កាលពីថ្ងៃទី07 ខែសីហាកន្លងទៅនេះ ក្រុម La Cima Cartel បានធ្វើការទម្លាក់នូវវិដេអូឯកសារ Episode 1 មួយគាំទ្រដោយ Pleng នៅលើឆាណែលយូធូបផ្លូវការរបស់ពួកគេ។ នៅក្នុងវិដេអូ Episode 1 នេះផងដែរ គួរអោយកត់សម្គាល់បានថា មានភាពប្លែកទាក់ទាញយ៉ាងជក់ចិត្តមែនទែន ដែលបានរៀបរាប់ពី Background Story របស់សមាជិកពីម្នាក់ទៅម្នាក់។ ដោយនៅលើខេបសិនខាងក្រោមវិដេអូនោះក៏បានបង្ហាញចំណាប់អារម្មណ៍របស់ពួកគេផងដែរថា «មានពាក្យច្រើនធ្លាប់បាននិយាយ មានពាក្យខ្លះក៏មិនធ្លាប់បាននិយាយ រឿងរ៉ាវរបស់ពួកយើងមានច្រើនរាប់មិនអស់»។
វិដេអូបានរៀបរាប់ចាប់ផ្តើមពីលោក YCN Rakhie ដែលលោកពន្យល់ប្រាប់ពីដំណើរទំនងដែលធ្វើអោយលោកបានចាប់ក្រុមជាមួយលោក YCN Tomie និងលោក YCN Dizzy ហើយលោកក៏បានបកស្រាយពីអត្ថន័យនៃអក្សរ YCN ខាងមុខនេះផងដែរ ដែលមានន័យថា Why Can not? ដែលលោកចង់មានន័យថា Why Can Not Rakhie រឺ Why Can Not Tomie? ស្មើនឹងហេតុអ្វីពួកគេមិនអាចធ្វើជាខ្លួនឯងបាន?។ ចំណែកបន្ទាប់មក វិដេអូក៏អូសមកកាន់លោក Hasha និយាយរៀបរាប់ពីដំណើរទំនងដែលលោកបានស្គាល់លោក Meezy និងលោក All3rgy ហើយបន្ទាប់មកពួកគេក៏បានចូលក្រុមជាមួយនឹងក្រុុម YCN និងបង្កើតបានក្រុមថ្មី ដែលមានឈ្មោះថា La Cima Cartel ដែល Inspire មកពីក្រុម Cartel នៃការលក់ថ្នាំញៀន ប្តូរមកជាការលក់តន្រ្តីអោយមនុស្សញាណវិញ។ បន្ទាប់មកវិដេអូក៏អូសមកកាន់សមាជិកម្នាក់ទៀតគឺជាលោកមុតភារិន។ តើទស្សនិកជនបានទស្សនាវិដេអូឯកសារនេះរួចរឺនៅ? តើមាននរណាដឹងទេ La Cima Cartel នឹងចេញ Episode 2 នៅពេលណា?
