កាលពីថ្ងៃទី06 ខែវិច្ឆិកាកន្លងទៅនេះ ក្រុម La CiMa Cartelបានអញ្ជើញចូលរួមនៅក្នុងកម្មវិធីចុះអនុស្សរណៈជាទូតសុច្ឆន្ទៈរបស់ស្រាបៀកម្ពុជា ដែលធ្វើឡើងនៅផ្សារទំនើបជីបម៉ុង271 មេហ្គាម៉ល។
ក្រុម La CiMa Cartel បានបង្ហើបអោយដឹងថាពិតជាមានកិត្តិយសជាខ្លាំងដែលបានក្លាយខ្លួនជាទូតសុឆន្ទៈដំបូងបង្អស់របស់ Cambodia Beer នៃក្រុមហ៊ុន ខ្មែរ ប៊ែវើរីជីស។
គួររំលឹកផងដែរថា នៅមួយថ្ងៃមុននៃកម្មវិធីចុះកិច្ចព្រមព្រៀងនេះ ផេកផ្លូវការរបស់ស្រាបៀកម្ពុជាក៏បានទម្លាយវិដេអូសកម្មភាពរបស់ក្រុម La CiMa Cartel ផងដែរ ដែលពួកគេបានទៅដល់ប្រទេសថៃបំពេញបេសកកម្មជុំគ្នាស្វែងរកបទពិសោធន៍ថ្មីក្រោមការដឹកនាំពីថ្នាក់ដឹកនាំកំពូល ខ្មែរ ប៊ែវើរីជីស។
ខណៈដែលនៅក្នុងថ្ងៃចុះកិច្ចព្រមព្រៀងនោះផងដែរ ក្រុម La CiMa Cartel បានមានសកម្មភាពជាច្រើន ដូចជាបានទៅដល់ក្រុមហ៊ុន ខ្មែរ ប៊ែវើរីជីស Surprise បុគ្គលិកដល់ Office តែម្តង! ធ្វើអោយម្នាក់ៗលាន់មាត់ថាបានជួបអាយដលសង្ហា! ហើយក៏នៅមានសកម្មភាពឡើងសម្តែងនៅលើឆាកប្រគំតន្រ្តីផងដែរ។
នៅលើផេកផ្លូវការរបស់ La CiMa Cartel ត្រឹមតែបានបង្ហាញថាពួកគេនឹងមានគំរោងទម្លាក់អាលប៊ុម«Achieve» នៅក្នុងពេលឆាប់ៗ។ ចង់ដឹងថានឹងមានអ្វីប្លែកៗសំរាប់ក្រុម La CiMa Cartel ជាមួយនឹង Cambodia Beer នៅពេលខាងមុខ?