អ្នកផាត់មុខដ៏ល្បីល្បាញ Kylie Jenner បានក្លាយជាស្ត្រីដំបូងគេដែលមាន Follower 300 លាននាក់នៅលើ Instagram ។

Ariana Grande ដែលពីមុនជាស្ត្រីដែលមានការពេញនិយមបំផុតរបស់កម្មវិធី Instagram, ឥឡូវនេះត្រូវបានជាប់ចំណាត់ថ្នាក់លេខ 2 ជាមួយ Selena Gomez។ អ្នកចម្រៀងទាំងពីរមាន Follower 289 លាននាក់។ ប៉ុន្តែខ្សែប្រយុទ្ធ Cristiano Ronaldo របស់ Manchester United នៅតែជាអ្នកដែលមាន Follower ច្រើនជាងគេបំផុតរបស់ Instagram ដែលឥឡូវនេះមាន Follower ច្រើនជាង 388 លាននាក់។

Jenner បានមានភាពស្ងប់ស្ងាត់បន្តិចនៅលើវេទិកាចែករំលែករូបភាពនាពេលថ្មីៗនេះ។ សង្សាររបស់នាង គឺតារាចម្រៀងរ៉េប Travis Scott ដែលសម្តែងនៅឯពិធីបុណ្យតន្ត្រី Astroworld ក្នុងទីក្រុង Houston រដ្ឋតិចសាស់ កាលពីថ្ងៃទី 5 ខែវិច្ឆិកា នៅពេលដែលមានមនុស្ស 10 នាក់ បានស្លាប់ក្នុងអំឡុងពេលការរត់ជាន់គ្នារបស់អ្នកគាំទ្រ។

ហើយ Jenner ដែលមានផ្ទៃពោះកូនទី 2 បានត្រឹមតែបង្ហាញភាពស្ងៀមស្ងាត់នៅលើបណ្តាញសង្គមរបស់នាងនៅថ្ងៃបុណ្យណូអែល ដោយចែករំលែករូបថតម្តាយរបស់នាង Kris Jenner ។

សប្តាហ៍បន្ទាប់ នាងបានបង្ហោះអំពី "ពរជ័យ" និង "ការឈឺចិត្ត" ដែលនាងបានជួបប្រទះក្នុងឆ្នាំ 2021 ។

អត្ថបទដកស្រង់ពី BBC

បកប្រែនិងកែសម្រួលដោយ Mr.Blue