ខណៈពេលដែលឈ្មោះរបស់ Kylian Mbappe ត្រូវបានគេស្វែងរកច្រើនបំផុតក្នុងរយៈពេលប៉ុន្មានថ្ងៃថ្មីៗនេះ បន្ទាប់ពីបានក្លាយជាកីឡាករលេចធ្លោបំផុតមួយដែលបានឈានទៅវគ្គផ្តាច់ព្រ័ត្រនៃព្រឹត្តិការណ៍ World Cup ឆ្នាំ 2022 នៅប្រទេសកាតា។ តែយ៉ាងណាមិញមនុស្សជាច្រើនក៏ចង់ដឹងថាតើជិវិតស្នេហារបស់លោកមានរូបភាពបែបណា?
តើ Ines Rau ជានរណា?
អស់រយៈពេលជាច្រើនខែមកហើយ ដែលឈ្មោះរបស់ Mbappé ត្រូវបានផ្សារភ្ជាប់យ៉ាងស្និទ្ធស្នាលជាមួយនឹង Ines Rau ដែលជាតារាម៉ូដែលកែភេទពីបុរសមកជាស្រ្តី និងជាអតីតតារាស្រីគម្របទស្សនាវដ្តី Play Boy ផងដែរ។ ប្រព័ន្ធផ្សព្វផ្សាយនៅក្នុងប្រទេសអ៊ីតាលី និងបារាំង បានតាមដានរឿងរ៉ាវរបស់ Mbappe និង Rau ដែលជាតារាម៉ូដែលវ័យ 32 ឆ្នាំ ដែលរូបនាងបានសម្រេចចិត្តកែប្រែភេទរបស់ខ្លួនកំឡុងពេលអាយុ១៦ឆ្នាំ។ មិនតែប៉ុណ្ណោះនាងក៏កំពុងតែទទួលបានតំណែងជាបណ្តើរៗនៅក្នុងពិភពតារាបង្ហាញម៉ូត រហូតដល់នាងឡើងក្របទស្សនាវដ្តីឆ្នាំ 2017 បានក្លាយជាស្ត្រីកែភេទដំបូងគេដែលបើកចំហរនិងមានការទទួលស្គាល់។
មួយឆ្នាំក្រោយមកនាងបានបោះពុម្ពជីវប្រវត្តិរបស់នាងដែលមានឈ្មោះថា "ស្ត្រី" ដែលក្នុងនោះនាងបានបញ្ជាក់ថានៅអាយុ 16 ឆ្នាំនាងបានទទួលការវះកាត់ប្តូរភេទ នៅពេលដែលនាងបង្ហាញផ្លូវភេទរបស់នាងនៅអាយុ 24 នាងបាននិយាយថាវាគឺជារឿងដែលរំដោះខ្លួនច្រើនបំផុតនៅក្នុងឆាកជីវិតរបស់នាង។ ទោះបីជា Mbappe និង Rau មិនបានបង្ហាញខ្លួនជាផ្លូវការក៏ដោយ ប៉ុន្តែកាលពីប៉ុន្មានខែមុនរូបថតមួយចំនួនបានថតបានអំឡុងពេលពួកគេធ្វើដំណើរកម្សាន្តងយ៉ាងរីករាយជាមួយគ្នា។