កាលពីថ្ងៃទី២៦ ខែសីហាកន្លងទៅនេះ ម្ចាស់បទចម្រៀងរ៉េប«Alexanderwang»ជាមួយស្ទាយល៍ដ៏ប្លែក តារារ៉េប Kwan នៃក្រុម Slaphouse បានធ្វើការទំលាក់MV ចំរៀងថ្មីរបស់លោកម្តងទៀតហើយនៅលើឆាណែលយូធូបផ្លូវការ ដែលមានចំណងជើងថា«ច័ន្ទ»។
ប៉ុន្តែបទ«ច័ន្ទ»នេះគឺមិនមែនជាបទរ៉េប High High ដូចមុនរបស់លោកនោះទេ វាគឺជាបទដ៏ផ្អែមស្រទន់មួយដែលមានលក្ខណៈស្រដៀងទៅនឹងបទចាស់របស់លោក«នឹក»ដែលបានចេញផ្សាយកាលពីរយៈពេល៥ខែមុន។ គួរអោយចាប់អារម្មណ៍ផងដែរ លោក Kwan បានបង្ហើបនូវអត្ថន័យមួយចំនួនទាក់ទងនឹងបទចម្រៀងមួយនេះឡើងថា«ដឹងថាអូនធ្លាប់មានសង្សារច្រើន តែច័ន្ទក៏អាចរះលើកទីពីរ»។
ចំណែកនៅលើប៉ារ៉ូលចំរៀងវិញ ក៏បានតាក់តែងឡើងដូចជា ច័ន្ទអាចរះលើកទី២ អោយតែមានចិត្តស្មោះស ហើយនិងរត់ចោលអារម្មណ៍នេះ ទោះបីជាផ្ការោយហើយក៏អាចរីក ជាលើកទី២ មានកន្លង់ហោះតាមហែហមចង់ថ្នម ចង់ក្រេបនារី។ បន្ទាប់មកកាលពីពេលថ្មីៗនេះផងដែរ លោក Kwan ក៏បានបញ្ចេញនូវខេបសិនឡើងមួយទៀតនៅលើទំព័រហ្វេសប៊ុករបស់លោកថា«មិនស្រលាញ់បង ក៏គួរស្រលាញ់ខ្លួនឯង» និង«ឧស្សាហ៍សួរសុខទុក្ខខ្លួនឯងផង»។
យ៉ាងណាមិញផងដែរគួររំលឹកថា សមាជិកនៃក្រុម Slaphouse ដទៃទៀតរួមមានដូចជាលោក M-FATT លោក Vito លោក MANNDOS និងកញ្ញា MAIFERN ជាដើម ដែលពួកគេក៏ទើបតែបានចូលរួមសម្តែងនៅក្នុងការប្រគំតន្រ្តីអបអរខួបអនុស្សាវរីយ៍លើកទី៥របស់ផ្សារទំនើបវឌ្ឍនៈកាពីតាល កាលពីថ្ងៃទី២៦ ខែសីហាកន្លងទៅនេះ។ ចុះទស្សនិកជនយល់ឃើញយ៉ាងណាដែរចំពោះបទចម្រៀងនីមួយៗផលិតឡើងដោយក្រុម Slaphouse?
