តើ alexanderwang ជានរណា? ស្គាល់ alexanderwang ហើយហាក់បានស្គាល់លោក KWAN ដែរអ៊ីចឹងសំរាប់ M/V បទថ្មីរបស់លោកដែលទើបនឹងចេញផ្សាយកាលពីថ្ងៃទី១៣ ខែធ្នូកន្លងទៅនេះ។ ក្រោមការផលិតរបស់ក្រុម Slaphouse និងការចូលរួមសម្តែងពីក្រុមសិល្បករជាច្រើននាក់បានធ្វើអោយបទចម្រៀងមួយបទនេះរំលេចឡើងមកបានយ៉ាងជោគជ័យដោយមានដូចជាលោក Norith និងលោក Juvie Lin នៃក្រុមPolarix និងលោក Vito ជាដើម។ លោក KWAN បាននាំយកបទពិសោធន៍ថ្មីនៃបទចម្រៀងក្រោមការនិពន្ធផ្ទាល់របស់លោក ដោយលោកហាក់ដូចជាបាន inspired ខ្លាំងពីបុរសម្នាក់ដែលមានឈ្មោះថា alexanderwang។ 

គួរបញ្ជាក់ផងដែរ alexanderwang គឺជាមហាសេដ្ឋីវ័យក្មេងមកពីតំបន់អាស៊ីម្នាក់ដែលបានជាប់ក្នុងទស្សនាវដ្តី Forbe ក្រោមមាតិកា The youngest self-made billionaire នៅក្នុងវ័យ២៥ឆ្នាំ។ លោក Wang ចូលចិត្តមុខវិជ្ជាគណិតវិទ្យាតាំងពីក្មេង និងបានរៀនសរសេរកូដតាំងពីនៅវ័យជំទង់ម្ល៉េះ។ លោកធ្លាប់បានសរសេរ Code អោយ Website Quora និងបន្ទាប់ពីបានចាកចេញពីការរៀនជំនាញ Machine Learning ពីស្ថាប័ន MIT ដ៏ល្បីរបស់សហរដ្ឋអាមេរិចរួចមក លោកក៏បានចាប់ផ្តើមបើកក្រុមហ៊ុនSoftwareផ្ទាល់ខ្លួនដែលមានឈ្មោះថា Scale AI ដែលធ្វើទៅលើការវិភាគទិន្នន័យរូបភាពផ្កាយរណបសំរាប់ក្រុមហ៊ុនធំៗជាង៣០០ដូចជាកងកំលាំងអាកាសអាមេរិក និង General Motors។ មិនចម្លែកនេាះទេដែល M/Vផ្ទាល់របស់លោក KWAN មានលក្ខណៈបែប Scientific ថែមទៀតដូចជាត្រង់ឈុតលោកស្លៀកសំលៀកបំពាក់អវកាសជាដើម។