ថ្មីៗនេះផងដែរផលិតកម្មកងចក្រភីកឈ័របានបង្ហោះរូបភាពមួយចំនួនទាក់ទងនឹងភាពយន្តខ្មែររឿង«លោកគ្រូប្រពន្ធល្អ»ដែលនឹងត្រូវចាក់បញ្ចាំងនៅក្នុងដើមខែតុលាខាងមុខនេះ។ ដូចអ្វីដែលទស្សនិកជនដឹងខ្លះៗរួចមកហើយ ខ្សែភាពយន្តមួយនេះនិយាយទាក់ទងអំពីជីវិតគ្រូបង្រៀន ម្ល៉ោះហើយក៏ស្តែងអោយឃើញរឿងរ៉ាវមួយចំនួនទាក់ទងនឹងជីវិតសិស្សសាលាពិតៗ។ មិនខុសនោះទេ សូម្បីតែក្នុងភាពយន្តរឿង«លោកគ្រូប្រពន្ធល្អ»ដែលផលិតកម្មកងចក្រភីកឈ័រលើកយកមកបង្ហាញក៏មានពាក់ព័ន្ធនឹងជីវិតសិស្សសាលាទាំងនោះដែរ។ ផលិតកម្មកងចក្រភីកឈ័របានដកស្រង់រូបភាពមួយចំនួនទាក់ទងនឹងសាច់រឿងអំពីនៅពេលដឹងលទ្ធផលប្រលងសិស្សទាំង៥ប្រភេទមានឥរិយាបថខុសគ្នាយ៉ាងម៉េចខ្លះដែលរំលេចអោយឃើញភាពកំប្លុកកំប្លែកចាក់ដោតចិត្តសិស្សានុសិស្សគ្រប់គ្នាមែនទែន។ 

ចាំប្រាប់អេដមីនផងថាអ្នកទាំងអស់គ្នាជាប្រភេទសិស្សបែបណា? ទី១ សិស្សកំពុងទួញសោកមិនពេញចិត្តលទ្ធផលប្រលង ហេងស៊យអីឥតសំណាងប្រលងមិនត្រូវកន្លែងហើយយ៉ាង ទើបនឹកឡើងភ្លេចស៊ែររូបខ្វិត? ទី២ ប្រភេទសិស្សនៅតែមោទនភាពចំពោះខ្លួន ពោលនឹកឡើងចម្លងគេត្រូវទាំងអស់ម៉េចបានពិន្ទុតិចម៉េច។ ទី៣ សិស្សទើបតែខ្លាំងពេលប្រលងហើយ អង្គុយនឹកម្នាក់ឯងឡើងថាដាក់តាមវាខុសៗមែន។ ទី៤ ប្រភេទសិស្សសួរនាំលទ្ធផលមិត្តភក្តិ ហើយទើបតែស្វាងចែសពេលខ្លួនទទួលបានលទ្ធផលតិចជាងគេ ហើយថែមទាំងតិចជាងគេដាច់ទៀត។ ចំនែកទី៥ កំពូលសិស្សពូកែប្រចាំថ្នាក់ បានទទួលនិទ្ទេសA ក្នុងលទ្ធផលប្រលងតែម្តង ដែលគ្រប់គ្នាដាក់រហ័សនាមអោយថាអ្នកប្រាជ្ញ។​​​​​​ ជឿជាក់ថាទស្សនិកជនទាំងអស់គ្នា បើមិនធ្លាប់ជួបខ្លួនឯងក៏ធ្លាប់មានមិត្តភក្តិ រឺមិត្តរួមថ្នាក់ប្រភេទនេះដែរមែនទេ? អេដមីនគ្រាន់តែជ្រាបរូបភាព Trailer ទាំងនេះហើយញាប់ញ័រចិត្តចង់ទស្សនារឿងទាំងមូលតែម្តង មានអារម្មណ៍ថា Relate ច្រើនតែម្តង។ តោះចាំទៅមើលជាមួយអេដមីននៅក្នុងខែតុលាទាំងអស់គ្នា!