កាលពីចុងខែកុម្ភៈកន្លងទៅនេះ កម្មវិធី The Wall Song Cambodia បានអញ្ជើញក្រុមក្មេងខ្មែរមកចូលរួមលេងកំសាន្ត និងទស្សន៍ទាយឈ្មោះសិល្បករនៅក្រោយជញ្ជាំងរបស់ពួកគេនៅក្នុង Episode ទី១៨។ គួរអោយចាប់អារម្មណ៍ផងដែរថានៅក្នុងសប្តាហ៍នោះពិតជាពិសេសមែនទែនដោយសារតែទាំងភ្ញៀវកិត្តិយស និងសិល្បករនៅក្រោយជញ្ជាំងសុទ្ធតែបានដៃគូនឹងគ្នាជាតារាហ៊ីបហប់តែម្តង ដោយមានលោកកៅពន្លឺប៉ះដៃគូជាមួយនឹងកញ្ញាតី និងលោកជាសុជាតិប៉ះដៃគូជាមួយនឹងលោកវិន វិទូ។ ដោយឡែកក៏នៅមានមួយគូទៀតគឺគូលោកសាយ និងលោកកងពិសិដ្ឋ ដែលជាសិល្បករចេះច្រៀង និពន្ធបទភ្លេង និងទំនុកច្រៀងដូចគ្នា។ នៅក្នុងកម្មវិធីមួយនោះផងដែរ លោកកៅពន្លឺបានលើកបទចម្រៀងរបស់លោក «ឆ្ងាយតែកាយ» យកមកបកស្រាយឆ្លងឆ្លើយជាមួយនឹងកញ្ញាតី ខណៈដែលដៃគូរបស់លោក លោកជាសុជាតិបានលើកបទ «រឿងអាឌិត» យកមកច្រៀងឆ្លើយឆ្លងជាមួយនឹងលោកវិន វិទូ។ គួរបញ្ជាក់ផងដែរលោកវិន វិទូគឺជាតារារ៉េបមួយរូបមកពីក្រុម KlapYaHandz និងជាVlogger មួយរូបផងដែរ ដែលមានស្នាដៃបទចម្រៀងដូចជា «Satellite» «រាល់ថ្ងៃនេះ» និង«កិន្នរ» ជាដើម រីឯកញ្ញាតីគឺជាតារារ៉េបស្រីមកពីក្រុមហ៊ុនតន្រ្តី Ream Production និងកំពុងក្លាយជាសិល្បករស្រីតែមួយគត់សំរាប់ជ្រើសរើសបោះឆ្នោតនៅក្នុងកម្មវិធី Pleng Music Awards ផ្នែក សិល្បករ-សិល្បការិនីប្រចាំ

ឆ្នាំ។ ចូលរួមត្រេកអរផងដែរដែលលោកកៅពន្លឺអាចទស្សន៍ទាយត្រូវកញ្ញាតី តែគួរអោយសោកស្តាយលោកជាសុជាតិទាយត្រូវហើយដូរវិញខុសបាត់ ដោយលោកជ្រើសរើសទាយមិត្តសម្លាញ់របស់លោកគឺលោក Reezy។ តើទស្សនិកជនចង់អោយគូសិល្បកររូបណាបន្តទៀតចូលរួមលេងនៅក្នុងកម្មវិធីនេះ Let me know in your comment below!