កិត្តិនាមរបស់ Rapper Legendary ខ្មែរមួយជីវិត ទទួលរហ័សនាមថា Old But Gold ដោយម្ល៉ោះដោយសារតែគុណតំលៃនៃសិល្បៈក្នុងខ្លួនរបស់រៀមច្បងមួយរូបនេះ រួមទាំងភាពហ៊ាននិយាយការពិតរបស់លោកតាមរយៈបទចម្រៀងដែលគួរអោយគោរព។ យ៉ាងណាមិញកាលពីថ្ងៃទី២ ខែឧសភាកន្លងទៅថ្មីៗនេះផងដែរ លោក Leng Sovan Dara ហៅខ្មែរមួយជីវិតបានតើនឡើងជាថ្មីជាមួយនឹងបណ្តាទស្សនិកជនរបស់លោកនៅលើកម្មវិធីបណ្តាញសង្គមផ្សេងៗ ដោយបានធ្វើការចែករំលែកនូវបទចម្រៀងថ្មីៗមួយចំនួនរបស់លោកដែលស្ថិតនៅក្នុងកញ្ចប់អាល់ប៊ុមចាស់ដែលមានឈ្មោះថា« Murder All Odds»។

លោក Leng Sovan Dara បានសម្តែងអោយដឹងថាកាលពីពេលមុននេះបន្តិចនៅលើបណ្តាញសង្គមហ្វេសប៊ុកថា«យប់មិញនេះ មិនដឹងយ៉ាងម៉េច បទចេញទាំងមិនដឹងខ្លួន ឥលូវបទចាស់ៗដែលមិនទាន់ចេញ Release អស់ហើយ»។ ដែលហាក់ដូចជាបង្ហាញនឹករលឹករបស់លោកចំពោះវិស័យហ៊ីបហប់ស្រុកខ្មែរ ក៏ដូចជាបណ្តាអ្នកគាំទ្រទស្សនិករបស់លោកដូចគ្នា។ យ៉ាងណាមិញផងដែរ សង្កេតឃើញថាបទចម្រៀងថ្មីៗទាំងនេះរួមមាន៦បទ ដែលបានចេញផ្សាយបន្តពីបទចំរៀងប្រមាណ១០បទពីក្នុងអាល់ប៊ុម Murder All Odds របស់លោកដែលបានចេញផ្សាយកាលពី៥ឆ្នាំមុន។ នៅក្នុងបទចម្រៀងទាំង៥បទនោះមានចំណងជើងថា Where’s Happiness?, Te Te, Struggle, More than hurt, Path I chooseនិង​​​ No More Cry។ តើទស្សនិកពេញចិត្តបទចម្រៀងមួយណាខ្លាំងជាងគេ?