ប៉ះខ្មែរមួួយជីវិតអោយស្ពៃ បើមិនថ្នាំខ្លាំងមិនមែនខ្មែរមួយជីវិត! តារាហ៊ីបហប់កម្ពុជា ម្ចាស់ពាក្យ«វ៉ៃហាស៎!» នៅតែកាចញ៉ាក់សាច់ក្រោយត្រលប់ជាមួយបទចម្រៀងថ្មីដែលមានចំណងជើងថា«Cambo Calling»។ វាហាក់ដូចជាបទមួយដែលធ្វើអោយទស្សនិកជននឹងឃើញដល់ Color របស់លោកខ្មែរមួយជីវិតឡើងវិញក្រោយពេលដែលលោកខ្មែរមួយជីវិតទទួលបានប្រជាប្រិយភាពយ៉ាងខ្លាំងទៅលើបទចម្រៀងដែលរៀបរាប់ពីជាតិ និងតថភាពសង្គម។

ម្យ៉ាងវិញទៀត បទចម្រៀងនេះក៏រំលេចចេញនូវរសជាតិបែបកាចៗពីលោកខ្មែរមួយជីវិតផងដែរ ដែលនិយាយពីឆន្ទៈរបស់លោកក្នុងការវិលត្រលប់មកកម្ពុជាវិញ។ តាមរយៈបទនេះ លោកខ្មែរមួយជីវិតបានជះនូវថាមពលដ៏ខ្លាំងក្លាមួយ មិនមែនលបៗដូចខ្លាងាប់ តែជាតោកំណាច King of the Jungle ចាំប្រកាសសង្គ្រាមប្រាប់ដល់គូសត្រូវថាព្រៃនេះពិតជាមានស្តេចតោតែម្នាក់តាំងពីពេលមុនរហូតមកដល់ពេលនេះ ហើយលោកមិនខ្លាចញញើតរង់ចាំការប្រកួតប្រជែងទេ។

លោកខ្មែរមួយជីវិតត្រៀមខ្លួនរួចជាស្រេចដើម្បីធ្វើអោយវិស័យហ៊ីបហប់ស្រុកខ្មែរកាន់តែរីកចំរើនលូតលាត់ទៅមុខ និងពោរពេញដោយការប្រកួតប្រជែង។ គួរបញ្ជាក់ផងដែរថា បទចម្រៀងនេះត្រូវបានចេញផ្សាយឡើងកាលពីថ្ងៃទី០២ ខែធ្នូកន្លងទៅនេះនៅរយៈពេល២សប្តាហ៍បន្ទាប់ពីបទ«Hit Da Club» របស់លោករួមគ្នាជាមួយនឹងលោក Vito បានចេញផ្សាយឡើង និងធ្វើអោយផ្ទុះកក្រើកយ៉ាងខ្លាំងឈរនៅលើចំំណាត់លេខរៀងកំពូលទី៧នៅលើតារាងយូធូបកម្ពុជាថ្វីបើកន្លងទៅរយៈពេល២សប្តាហ៍ក្តី។ ចុះទស្សនិកជនយល់ឃើញយ៉ាងណាដែរសម្រាប់រសជាតិបទថ្មីរបស់លោកវិញ?