កាលពីយប់ម្សិលមិញនេះ អាយដល K1J របស់ទស្សនិកជនទាំងអស់គ្នាដែលត្រូវបានស្គាល់ថាជា Khmer1Jivet ទើបតែបានធ្វើការ Live នៅលើទំព័រហ្វេសប៊ុករបស់លោកដែលមានឈ្មោះថា Leng Sovan Dara ដើម្បីឆ្លៀតឳកាសប្រម៉ូតដល់ទំព័រហ្វេសប៊ុកថ្មីរបស់លោកទើបនឹងបង្កើតមានឈ្មោះថា Khmer1Jivit Official វិញ។
គួរបញ្ជាក់ផងដែរ ទំព័រហ្វេសប៊ុក Leng Sovan Dara គឺជាទំព័រហ្វេសប៊ុកចាស់មួយរបស់លោក មានចំនួន Followers រហូតទៅដល់74K ឯណោះ ដែលធ្វើអោយមហាជនយល់់ឃើញថាការចាប់ផ្តើមបង្កើតថ្មីនៃទំព័រហ្វេសប៊ុករបស់លោក អាចជាការនាំយកនូវគំរោងអ្វីថ្មីៗកាន់តែពិសេសមកកាន់ទស្សនិកជន។
ទន្ទឹមនឹងនេះផងដែរ ក៏សង្កេតឃើញថា នៅខាងលើការ Live រយៈពេលជាង១ម៉ោងកន្លះរបស់លោក Khmer1Jivet ក៏បានក្រើនទស្សនិកជនឡើងជាមួយនឹងសារបញ្ជាក់ឡើងយ៉ាងច្បាស់ពីការចូលទៅកាន់ទំព័រហ្វេសប៊ុកថ្មីរបស់លោក ក៏ដូចជាការទៅកាន់ឆាណែលយូធូបផងដែរ។ ជាងនេះទៅទៀតនោះ អ្វីដែលរឹតតែពិសេស នៅក្នុងការឆ្លើយទាក់ទងនឹងសំនួរមួយចំនួនពីទស្សនិកជន Khmer1Jivet ក៏បានឆ្លើយនឹងសំណួរទាក់ទងនឹងលោកវណ្ណដាផងដែរ។
ដោយលោកបានបង្ហាញការយល់ឃើញខ្លះៗពីលោកវណ្ណដាថាជា ជាបុគ្គលជោគជ័យម្នាក់នៅកម្ពុជា ហើយក៏នឹកកោតសរសើរដល់ក្រុមការងារបារមីទាំងមូល ព្រោះរាប់ចាប់តាំងពី Production Team រហូតដល់ Marketing Strategy គឺធ្វើការងារបានល្អទាំងអស់។ បន្ទាប់មកលោកក៏បានទាញសេចក្តីសន្និដ្ឋានខ្លួនឯងថា មានបទចម្រៀងមួយមុខគឺមិនគ្រប់គ្រាន់ទេ គឺយើងត្រូវការទាំងធនធានថែមទៀតដើម្បីសំរេចការងារមួយអោយបានជោគជ័យ។ ចុះទស្សនិកជនយល់ឃើញយ៉ាងណាដែរ?