កាលពីថ្ងៃទី២៣ ខែវិច្ឆិកាកន្លងទៅនេះលោកខេម និងលោក Khmer1Jivet បានចែករំលែករូបភាពរបស់លោកពីរនាក់ជាមួយគ្នានៅលើបណ្តាញសង្គមហ្វេសប៊ុក។ ដោយនៅក្នុងរូបភាពដែលលោកខេមបង្ហោះបានសរសេរឡើងថា "ច្រៀងមកចាំបងលេងភ្លេងអោយច្រៀងOK" ចំណែកឯរូបភាពដែលលោក Dara Leng ហៅ Khmer1Jivet បានបង្ហោះគឺមានសរសេរឡើងខេបសិនថា "ជាអ្វីដែលអ្នកកំពុងរង់ចាំ"។ ត្រឹមសំដីមិនប៉ុន្មានម៉ាត់របស់ពួកគេទាំងពីរនេះហើយ បានធ្វើអោយមហាជនជាច្រើនយល់ឃើញថាលោក Khmer1Jivet ប្រហែលជាអាចឈានជើងចូលផលិតកម្ម Galaxy navatra និងបានបកស្រាយបទចំរៀងរួមគ្នាជាមួយលោកខេមដែលជាតារាចម្រៀងមួយប្រចាំផលិតកម្ម Galaxy Navatra។ ប៉ុន្តែគ្រប់យ៉ាងត្រូវក្រឡាប់ចាក់នៅពេលដែលចេញមុខតួអង្គម្នាក់ទៀតបានបង្ហោះរូបភាពរបស់ពួកគេទាំងបីនាក់រួមគ្នា ដោយមានលោក Khmer1Jivet, លោកខេម និងលោក Darun ផងដែរ។ 

គួរបញ្ជាក់ផងដែរលោក Darun ដែលជាអ្នកចែករំលែករូបភាពនោះគឺជាសិល្បករមួយរូបនៃ Hevenly Music Group ហើយកន្លងមកលោកក៏ធ្លាប់បានរួមសហការការងារជាមួយនឹងលោកខេមជាច្រើនផងដែរដូចជាលើបទ Don’t you know? និងបទក្រមុំភូមិខ្ញុំជាដើម។ លោក Darun បានសរសេរឡើងជាមួយខេបសិនថា លោកមានគំរោងថតបទនេះយូរណាស់ហើយនិងនៅពេលនេះសុបិន្តមួយនេះក៏ក្លាយជាការពិតដែរនេះអាចនិយាយបានថាជាការស្វែងរកដៃគូរួមក្រុមដ៏សក្តិសមបំផុត។ នេះអាចផ្តល់ការសន្និដ្ឋានមួយទៀតឡើងថាការថត MV បទចំរៀងមួយនេះអាចជាគំរោងសំរាប់សិល្បករឯករាជ្យមកពីប្រភពផ្សេងៗគ្នាចាប់ដៃគ្នារួមសហការនោះទេ។ គួរបញ្ជាក់ផងដែរ MV បទចំរៀងរបស់លោកអាចមានបទមួយចំនួនដូចជា វិលវិញបានទេ Sucka4Love និង Yeah Baby Girl។