គណៈកម្មការទី៤របស់កម្មវិធី The Rapper Cambodia ដែលមានទស្សនិកជនជាច្រើនអន្ទះសាចង់ឃើញដំណើរមាតុភូមិនិវត្តន៍របស់លោក ខណៈពេលនេះកំពុងតែឃើញមមាញឹកនៅក្នុងការថត MV បទថ្មីរបស់លោកនៅឯប្រទេសអាមេរិច។ កាលពីថ្ងៃទី០៩​​​ ខែកក្កដាកន្លងទៅនេះ លោក Leng Sovan Dara ហៅខ្មែរមួយជីវិតបានធ្វើការបញ្ចេញនូវវិដេអូក្រៅឆាកមួយនៃការថត MV បទថ្មីរបស់លោកនៅឯទីតាំងជ្រែឡានមួយរបស់សហរដ្ឋអាមេរិច។ យ៉ាងណាមិញយើងនៅមិនទាន់អាចសន្និដ្ឋានបាននៅឡើយទេ ថានេះគឺជាបទនៅក្នុងគំរោងមួយណារបស់លោក។ លោកខ្មែរមួយជីវិតត្រឹមតែបានបញ្ចេញអោយដឹងថា វាគឺជាបទមានស្តង់ដាកំរិត International តែម្តង ដែលលោកបានបញ្ចាំងអោយឃើញស្រាប់នូវឈុតឆាកគ្រវីឡានយ៉ាងកាចសាហាវញាក់សាច់តែម្តង! មិនចាញ់ក្នុងរឿង Fast and Furious ទេ! មិនតែប៉ុណ្ណោះ លោកខ្មែរមួយជីវិតក៏បាន Shout Out ទៅកាន់បណ្តាអ្នកគាំទ្រជនជាតិអាមេរិចកាំងដែលបានស្គាល់លោក និងបានបង្ហាញការគាំទ្រនៅនឹងកន្លែង។ ជាពិសេសលោកបានអោយដឹងទៀតថា ពួកគេថែមទាំងបានមានឳកាសចាប់ប្លង់ធ្វើ Scene សម្តែងជាមួយគ្នាយ៉ាង Lit ថែមទៀត ដែលជួយដល់ការធ្វើ Footage មួយចំនួននៅក្នុងបទចម្រៀង។ នៅព្រឹកថ្ងៃអង្គារ៍នេះផងដែរ លោកខ្មែរមួយជីវិតក៏ទើបតែបានបញ្ចេញវិដេអូថតថត MV បទនេះថ្មីមួយទៀតនៅលើបណ្តាញសង្គមរបស់លោក ជាមួយនឹងការបញ្ចាក់ជារឿយៗថា New Song និង Coming Soon។ តើទស្សនិកជន យល់ឃើញយ៉ាងណាដែរសម្រាប់ MV បទថ្មីរបស់លោកមួយនេះ?