កាលពីពេលថ្មីៗនេះ កំពូល Rapper ល្បីៗប្រជុំជើងគ្នានៅក្នុងកម្មវិធី The Rapper Cambodia បានបញ្ចេញរូបភាពសកម្មភាពខ្លះៗរបស់ពួកគេ ជាពិសេសដូចជាលោកខ្មែរមួយជីិវិតផ្ទាល់ដែលលោកបានធ្វើការចែករំលែកកំរងបរិយាកាសការងារសប្បាយៗជាមួយនឹង Rapper ជំនាន់ថ្មីឯទៀត។
កត់សម្គាល់ឃើញថានៅក្នុងការបង្ហោះទាំងនេះ លោកខ្មែរមួយជីវិតបានបង្ហើបអោយដឹងថា The Real Hip Hop នឹងកក្រើកឡើងម្តងទៀតដូចកាលត្រលប់ទៅឆ្នាំ២០១៧ យ៉ាងដូច្នោះឯង ដែលជាជំនាន់បើកមុខសិល្បកររ៉េប និងវាយលុកវិស័យហ៊ីបហប់ស្រុកខ្មែរដំបូងបំផុត។
កាលពីជំនាន់នោះ លោកបានបញ្ចេញបទចម្រៀងរ៉េបមួយខ្នាតធំ ដែលមានចំណងជើងថា«Khmer Cypher» ហើយទទួលបានការគាំទ្រយ៉ាងផ្ទុះកក្រើកមហាសាល ដោយមានការប្រមូលដោយកំពូល Hip Hop Star គីឡូធ្ងន់ៗជំនាន់ដំបូងជាច្រើនរូបរួមមាន លោក Vitou, កញ្ញា Rangsey, លោកSerey, លោកPonleur, លោក Reezy, លោកVisal និងលោកYT។
ខណៈនេះផងដែរ លោកខ្មែរមួយជីវិតបានបោះពាក្យឡើងជាមួយនឹងការភ្ជាប់រូបថតមួយសន្លឹករួមគ្នាជាមួយក្រុមការងារ The Rapper Cambodia ដែលមានលោកវណ្ណដា, លោក Ruthko,លោកJuvie lin, លោកKingChi និងលោក Norithថា«កាលពី២០១៧ ខ្ញុំបានចេញ Khmer Cypher ម្តងកក្រើកពិភពគុណ ឥលូវចង់ស្តាប់ Khmer Cypher Part2 ទេ??? 2023 boyyyy ចូលរួមសុទ្ធតែកំពូលជើងខ្លាំងមកពីគ្រប់ផលិតកម្ម»។
គួរបញ្ជាក់ផងដែរ លោក MC Sey គឺជាRapper មកពីផលិតកម្ម CG Movement ចំណែកលោកវណ្ណដា និងក្រុម Polarix មកពីផលិតកម្មបារមី និងលោក Ruthko មកពីផលិតកម្ម Klapyahand។ តើអាចដែររឺទេ ដែលបទចម្រៀងមួយនេះនឹងក្លាយទៅជា Real Heat Hip Hop Song សម្រាប់កម្មវិធីមួយនេះ?
