Aljazeera-

រុស្សីនិយាយថាគេនឹងជួយជំលៀសពលរដ្ឋអ៊ុយក្រែនក្នុងតំបន់ដែលគេបានភ្ជាប់ទឹកដីនៅ Kherson ដែលជាសញ្ញាថ្មីមូយទៀតដែលទីក្រុង Kyiv បានធ្វើការវាយបករុលទៅមុខ ហើយទីក្រុងមូស្គូបានរបូតពីកណ្តាប់ដៃនូវទឹកដីដែលខ្លួនបានកាន់កាប់។ "រដ្ឋាភិបាលបានធ្វើសេចក្តីសម្រេចចិត្តក្នុងការចាត់ចែងជួយរៀបចំការចេញដំណើររបស់ពលរដ្ឋនៅក្នុងតំបន់ Kherson" ឧបនាយករដ្ឋមន្ត្រីរុស្សី Marat Khusnulin បាននិយាយកាលពីថ្ងៃព្រហស្បតិ៍។ អភិបាលនៃតំបន់ Kherson នៃភាគខាងត្បូងអ៊ុយក្រែនក្នុងតំបន់ Kherson ដែលលើកបន្តុបដោយរុស្សីបានប្រាប់ពលរដ្ឋឲ្យប្រមូលកូនចៅក្នុងពេលថ្មីៗនេះហើយភៀសខ្លួនចេញ។

នៅក្នុងសេចក្តីថ្លែងការណ៍តាមវីឌីអូក្នុង Telegram, Vladimir Saldo បានស្នើរសុំជាសាធារណៈចំពោះទីក្រុងមូស្គូដើម្បីជួយដឹកជញ្ជូនជនស៊ីវិលទៅកាន់កន្លែងសុវត្តិភាពនៅក្នុងទឹកដីរុស្សី។ "ជារៀងរាល់ថ្ងៃទីក្រុងនៅក្នុង Kherson ត្រូវរងនូវការវាយប្រហារដោយមីស៊ីល" Saldo និយាយ "ដូចនេះ អ្នកដឹកនាំនៅក្នុងរដ្ឋបាលនៃតំបន់ Kherson បានសម្រេចនឹងផ្តល់នូវជំរើសសំរាប់គ្រួសារនិងពលរដ្ឋនូវជំរើសដើម្បីធ្វើដំណើរទៅកាន់តំបន់ផ្សេងទៀតនៅក្នុងសហព័ន្ធរុស្សីដើម្បីស្នាក់នៅនិងរៀនសូត្រ  "យើងបានផ្តល់យោបល់ចំពោះអ្នកស្រុកទាំងអស់នៅក្នុងតំបន់ Kherson បើសិនជាគេប្រាថ្នាធ្វើដូច្នេះ" ដើម្បីការពារពួកគេពីផលវិបាកដោយសារការវាយប្រហារដោយមីស៊ីលនៅក្នុងតំបន់នេះ។

ទីភ្នាក់ងារសារព័ត៌មាន Tass News បានរាយការណ៍មកថា ក្រុមដំបូងនៃជនស៊ីវិលដែលបានរត់ចេញពី Kherson ត្រូវបានរំពឹងថាទៅដល់តំបន់ Rostov ក្នុងប្រទេសរុស្សីយ៉ាងឆាប់បំផុតក្នុងថ្ងៃសុក្រ។ Kherson ជាតំបន់១នៅក្នុងតំបន់ទាំង៤នៃខេត្តរបស់អ៊ុយក្រែនដែលកាន់កាប់ដោយរុស្សីនិងបានអះអាងថាគេបានភ្ជាប់ទឹកដីទាំងនោះទៅជារបស់រុស្សីកាលពីខែមុន និងជាតំបន់យុទ្ធសាស្ត្រដែលសំខាន់ជាងគេ។ រុស្សីបានកាន់កាប់ទាំង២ទាំងផ្លូវដីទៅកាន់ Crimea ដែលរុស្សីបានចាប់យកតាំងពីឆ្នាំ២០១៤ ហើយនិងមាត់ទន្លេ Dnieper ដែលជាទន្លេដ៏ធំនៅក្នុងអ៊ុយក្រែន។

ចាប់តាំងពីដើមខែតុលាកងកម្លាំងអ៊ុយក្រែនបានហក់ចូលទៅក្នុងសមរភូមិមុខដែលមានទ័ពរុស្សីនៅទីនោះ ហើយបានរុលទៅមុខកាន់កាប់ទឹកដីបានយ៉ាងធំនៅក្នុងផ្នែកខាងត្បូងចាប់តាំងពីសង្រ្គាមបានចាប់ផ្តើម។ ពួកគេបានរុលទៅមុខយ៉ាងលឿននៅតាមបណ្តោយត្រើយទន្លេខាងលិចក្នុងគោលបំណងដើម្បីកាត់ផ្តាច់នូវការផ្គត់ផ្គង់ស្បៀងអាហារនិងគ្រាប់រំសេវនិងផ្លូវរត់ចេញរបស់កងទ័ពរុស្សីដែលស្ថិតនៅទីនោះជាច្រើនពាន់នាក់។ ការដឹកជញ្ជូនចេញនូវពលរដ្ឋចេញពី Kherson វាជាមហន្តរាយដ៏ធំចំពោះការអះអាងរបស់រុស្សីដែលថាបានភ្ជាប់យកទឹកដីបានចំនួន១៥%នៅក្នុងខែនេះ ។