Reuters-

សភាប៉ាគីស្ថានបានប្រកាសផ្អាកការប្រជុំជាបន្ទាន់មុនពេលដែលមានគំរោងមួយក្នុងការបោះឆ្នោតបណ្តេញលោកនាយករដ្ឋមន្ត្រី Imra Khan ប៉ុន្តែប្រធានរដ្ឋសភាបាននិយាយថាសភានឹងកោះប្រជុំនៅពេលក្រោយក្នុងថ្ងៃសៅរ៍ខណៈដែលភាពមិនច្បាស់លាស់ផ្នែកនយោបាយបានបន្តក្តោបក្តាប់ប្រទេសដែលមានអាវុធនុយគ្លេអ៊ែរ។ សមាជិកនៃគណបក្ស Khan បានផ្តល់យោបល់នៅថ្ងៃសុក្រថា ពួកគេនឹងព្យាយាមពន្យានូវការបោះឆ្នោតយ៉ាងយូរដែលអាចធ្វើទៅបាន។ តារា Criket ដែលបានក្លាយទៅជាអ្នកនយោបាយបានប្តេជ្ញាចិត្តធ្វើការតស៊ូប្រឆាំងទៅនឹងទង្វើរដើម្បីផ្លាស់ប្តូររូបលោក។

Khan បានប្រព្រឹត្តិនូវទង្វើរដែលអធម្មនុញ្ញភាពក្នុងការរាំខ្ទប់នូវការបោះឆ្នោតមិនទុកចិត្តនិងរំលាយរដ្ឋសភា តុលាការកំពូលបានកាត់សេចក្តីកាលពីម្សិលម៉ិញ ដោយបានបញ្ជារឲ្យសភាកោះប្រជុំឡើងវិញ។ ប្រធានរដ្ឋសភា Assad Quaiser ដែលជាសម្ព័ន្ធមិត្តរបស់ Khan បាននិយាយថាសម័យប្រជុំនឹងបន្តនៅវេលាម៉ោង១២និង៣០នាទី(7,30h GTM)។ មុនពេលនឹងផ្អាកសម័យប្រជុំ មេដឹកនាំគណបក្សប្រឆាំង Shehbaz Sharif បានរំពឹងថានឹងក្លាយទៅជានាយករដ្ឋមន្ត្រី បើសិនជា Khan ត្រូវបានបណ្តេញចេញ បានថ្លែងទៅកាន់សភាជាតិនិងបានជំរុញ Qalser ឲ្យធានាថាការបោះឆ្នោតនឹងត្រូវបានអនុវត្តិជាវិស័ួអាទិ៍ភាព។

ប្រធានរដ្ឋសភាបាននិយាយថាលោកនឹងអនុវត្តទៅតាមបញ្ជារបស់តុលាការកំពូលដែលបញ្ជាក់ទៅតាមស្មារតីដែលលាយល័ក្ខអក្សរ។ Khan អាយុ៦៩ឆ្នាំ ដែលបានឡើងកាន់តំណែងក្នុងឆ្នាំ២០១៨ជាមួយនឹងការគាំទ្រដោយពួកយោធា ប៉ុន្តែបច្ចុប្បន្ននេះបានបាត់បង់នូវការគាំទ្រពីសម្លេងភាគច្រើននៃរដ្ឋសភា នៅពេលដែលសម្ព័ន្ធមិត្តបានចាកចេញពីរដ្ឋាភិបាលចម្រុះរបស់លោក។ គណបក្សប្រឆាំងបាននិយាយថា លោកបានបរាជ័យក្នុងការធ្វើឲ្យសេដ្ឋកិច្ចរស់រានឡើងវិញដែលប្រយុទ្ធតទល់នឹងកូវីដ-19 និងមិនបានបំពេញនូវពាក្យសន្យាថានឹងបំបាត់អំពើពុករលួយនិងធ្វើឲ្យប្ឬជាជាតិមានវិបុលសុខ។

គណបក្សប្រឆាំងនិងអ្នកវិភាគខ្លះបាននិយាយថា Khan បានធ្លាក់ទៅក្នុងកណ្តាប់ដៃពួកយោធា ជាការចោទប្រកាន់មួយដែលលោកនិងក្រុមយោធាបានបដិសេធ។ ក្រុមយោធាបានកាន់កាប់ប្រទេសប្រហែលជាពាក់កណ្តាលនៃរយៈពេល៧៥ឆ្នាំ ក្រោយពីប្រវត្តិនៃអាណានិគម ហើយក៏គ្មាននាយករដ្ឋមន្ត្រីណាម្នាក់ដែលបានកាន់អំណាចចប់អាណត្តិ៥ឆ្នាំរបស់ខ្លួនដែរ។ វានៅមិនទាន់ច្បាស់លាស់នៅឡើយថា តើសម្ព័ន្ធមិត្តរបស់ Khan អាចនឹងស្វែងរកដើម្បីពន្យារពេលនៃការបោះឆ្នោត។ មេធាវី Salahuddin Ahmed ដែលបានតវ៉ាជាមួយតុលាការចំពោះការអនុញ្ញាតិឲ្យមានការបោះឆ្នោត បាននិយាយថាលោកជឿថាវានឹងកើតឡើងនៅមុនពាក់កណ្តាលយប់នេះ៕