តើអ្នកទាំងអស់គ្នាធ្លាប់សុខៗអង្គុយវាយកំព្យូទ័រ ហើយនឹកឆ្ងល់ថាហេតុអ្វីបានជា Keyboard របស់អ្នកមិនមានរៀបលំដាប់តួអក្សរពី A-Z ដូចក្នុង Alphabet ដែររឺទេ? តើអ្នកធ្លាប់ដឹងថាមូលហេតុដោយសារអ្វីរឺអត់? ជាការពិតទៅ យើងនឹងអាចដឹងច្បាស់បើសិនជាត្រលប់ទៅមើលកាលពីសម័យមុន ដែលយើងនៅប្រើប្រាស់ម៉ាស៊ីនទូរលេខនៅឡើយដើម្បីបញ្ជូនសារ។ 

កាលពីសម័យណោះ អ្នកប្រើប្រាស់ម៉ាស៊ីនទូរលេខបានដកពិសោធន៍អោយដឹងថាពួកគេបានជួបឧបសគ្គនៅក្នុងការវាយអត្ថបទរបស់ពួកគេ ដោយសារតែម៉ាស៊ីនទូរលេខត្រូវបានរៀបចំបង្កើតឡើងក្នុងទំរង់លំដាប់តួអក្សរពីA-Z នេះផងដែរ។ មូលហេតុដោយសារតែទំរង់លំដាប់តួអក្សរពីA-Z នេះ មិនបានសំរួលដល់ការបង្ហាញខ្លួនឡើងវិញរបស់តួអក្សរដែលប្រើប្រាស់ជាញឹកញាប់នៅក្នុងភាសាអង់គ្លេសនោះទេ។

ជាក់ស្តែងអ្នកទាំងអស់គ្នាសាកពិនិត្យមើលថា ស្រៈនៅក្នុងភាសាអង់គ្លេសដែលត្រូវបានប្រើប្រាស់ក្នុងការផ្សំដើម្បីបង្កើតពាក្យ ស្ទើរតែទាំងអស់ហើយ រួមមាន E, I, O, U ត្រូវបានតម្រៀបគ្នានៅជួរលើនៃ Keyboard ទាំងអស់ ខណៈមានតែ A មួយប៉ុណ្ណោះស្ថិតនៅជួរក្រោម។ នេះបង្ហាញអោយឃើញថា Keyboard ត្រូវបានតម្រៀបតួអក្សរដើម្បីអោយងាយស្រួលស្វែងរកអក្សរ និងដឹងថាតួអក្សរណាខ្លះដែលបង្ហាញខ្លួនជាញឹកញាប់។