ABCnews-

អង្គភាពកងទ័ពជើងគោករុស្សីបានចាប់ផ្តើមទៅដល់ក្នុងប្រទេស Kazakhstan ដើម្បីជួយប្រធានាធិបតីបញ្ចប់ការតវ៉ាដ៏ធំមួយនៅក្នុងប្រទេសអាស៊ីកណ្តាល ខណៈ ដែលកងកម្លាំងសន្តិសុខនៅទីនោះបាននិយាយថា គេបានសម្លាប់បាតុករជាច្រើននាក់ក្នុងរយៈពេលពេញ១យប់ពេលដែលមានការប៉ះទង្គិចដោយអំពើហឹង្សារ។ កងទ័ពរុស្សីបានដាក់ពង្រាយដែលជាផ្នែកនៃកងកម្លាំងរួមមកពីប្រទេសសម្ព័ន្ធមិត្តអតីតសហភាពសូវៀតដែលដឹកនាំដោយរុស្សី បន្ទាប់ពីលោកប្រធានាធិបតី Kazakhstan បានអំពាវនាវកាលពីថ្ងៃពុធដើម្បីសុំជំនួយបង្ក្រាបការប្រឆាំងតវ៉ាដែលបានរាលដាលពាសពេញប្រទេស។

លោកប្រធានាធិបតី Kassym-Jopart Tokayev បានធ្វើសំណូមពរបន្ទាប់ពីហ្វូងបាតុករបានសម្រុកចូលទៅក្នុងការិយាល័យសាលាក្រុងក្នុងទីក្រុងដែលធំជាងគេ Almaty និងចូលចូលទៅកាន់កាប់ព្រលានយន្តហោះ។ អង្គភាពកងទ័ពជើងគោករុស្សីមួយចំនួនបានចុះនៅមូលដ្ឋានអាកាសមួយក្នុង Kazakhstan ក្នុងពេលប្រព័ន្ធផ្សព្វផ្សាយរុស្សីបានបង្ហាញរូបភាព ទាហ៊ាននិងរថពាសដែកចុះពីលើយន្តហោះដឹកជញ្ជូនយោធា។ ទាហ៊ានរុស្សីមិនត្រូវបានដឹងពីចំនួនពិតប្រាកដ ប៉ុន្តែគេបានប៉ាន់ស្មានថាប្រហែលជាច្រើនរយនាក់អាចរហូតដល់ពាន់ ដែលក្នុងនោះមានទាហ៊ានជាច្រើនរយនាក់មកពី Belarus TajikistanនិងArmeniaដែលនឹងមកដល់ផងដែរ។

សម្ព័ន្ធភាពយោធា ដែលដឹកនាំដោយរុស្សីនេះ(CSTO) បាននិយាយថាគេបានដាក់ពង្រាយនូវអ្វីដែលគេហៅថាជាបេសកកម្មរក្សារសន្តិភាពមួយដើម្បីជួយរដ្ឋាភិបាល Kazakhstan ធ្វើឲ្យមានរបៀបរៀបរយឡើងវិញ។ អង្គការនេះបាននិយាយថា “ភារៈកិច្ចរបស់កងកម្លាំងនេះគឺការពាររដ្ឋនិងយោធានិងជួយរដ្ឋាភិបាល Kazakhstan ពង្រឹងនូវការអនុវត្តិច្បាប់ដើម្បីស្ថិរភាព”។ កងកម្លាំង Kazakhstan បានចូលទៅកាន់កាប់ទីក្រុង Almaty វិញកាលពីថ្ងៃព្រហស្បត៍ ដែលវីឌីអូបានបង្ហាញពីរូបភាពទាហ៊ានបានបាញ់ទៅលើក្រុមបាតុករ។ ការបាញ់នេះបានធ្វើឡើងទាំងកណ្តាលថ្ងៃ បើយោលទៅតាមប្រជាពលរដ្ឋដែលនៅនឹងកន្លែង។

ការដាក់ប្រទេសក្នុងគ្រាមានអាសន្នត្រូវបានប្រកាសទូទាំងប្រទេស ប្រព័ន្ធអាំងទែរណែតត្រូវបានកាត់ផ្តាច់ បើយោលទៅតាមប្រព័ន្ធផ្សព្វផ្សាយ។ ក្រសួងមហាផ្ទៃបាននិយាយថាបាតុករប្រហែល២,០០០នាក់ត្រូវបានចាប់ខ្លួននៅ Almaty និងទីលានត្រូវបានបោសសំអាតក្រុមបាតុករឲ្យចេញ។ នៅក្នុងសេចក្តីថ្លែងការណ៍បាននិយាយថាបើសិនជាបាតុករណាមិនព្រមទំលាក់អាវុធនឹងត្រូវកំទេច។