តារារ៉េប Icon របស់អាមេរិក Kanye West បានរៀបចំស្ទូឌីអូចំរៀងមួយនៅឯទីក្រុង AIUIa របស់ប្រទេសអារ៉ាប៊ីសាអីឌីតដើម្បីធ្វើការផលិតលើអាល់ប៊ុមបន្ទាប់របស់លោក។ តារារ៉េប Legendary រូបនេះហាក់ដូចជាបានរៀបចំបោះតង់មួយចំនួននៅក្នុងរីសតផ្កាយប្រាំដ៏ល្បីឈ្មោះមួយហៅថា Banyan Tree ដែលស្ថិតនៅក្នុងទីក្រុង AIUIa នេះផ្ទាល់។
ព័ត៌មានមួយនេះបានលេចឡើងបន្ទាប់ពីលោក Kanye West បានធ្វើដំណើរកំសាន្តទៅកាន់ទីក្រុង Dubai ជាមួយកូនស្រីរបស់លោក និងដើម្បីចូលរួមទស្សនាការប្រកួតសង្វៀន«Battle of the Baddest» រវាងគូលោក Tyson Fury និងលោក Francis Ngannou ដែលធ្វើឡើងនៅទីនោះកាលពីថ្ងៃទី២៨ ខែតុលា។
ប៉ុន្តែពិតដូចជាការប៉ាន់ស្មាន លោក Kanye West មិនត្រឹមតែទៅកាន់ប្រទេសមជ្ឈិមបូព៌ាដើម្បីទស្សនាការប្រកួតវ៉ៃគ្នា និងសំរាកលំហែកាយប៉ុណ្ណោះទេ ប៉ុន្តែក៏ដើម្បីសំលឹងឃើញផលប្រយោជន៍ Business របស់លោកផងដែរ! ស្របពេលដែលរូបថតរបស់លោកបង្ហោះឡើងធ្វើអោយមានផ្ទុះពាក្យចចាមអារ៉ាមជាច្រើនថាលោកអាចនឹងមានការ Collab អាល់ប៊ុមអ្វីម្យ៉ាងនៅទីនោះខណៈពេលដែលលោកក៏កំពុងធ្វើការផលិតរួមគ្នាជាមួយលោក Ty Dolla Sign នៅក្នុងអាល់ប៊ុមបន្ទាប់។
ចំណែកឯមូលហេតុដែលលោកជ្រើសរើសទីតាំងរីសត Banyan Tree ក៏ព្រោះតែវានៅជិតទីក្រុង Riyadh តែម្តង ម្យ៉ាងទៀតទីក្រុង AIUIa ដែលស្ថិតនៅក្នុងទឹកដីតំបន់ភាគពាយ័ព្យនៃប្រទេសអារ៉ាប៊ីសាអូឌីតគឺសំបូងទៅដោយដីមានជីជាតិនៅលើវាលខ្សាច់ ដែលអាចផ្តល់ទឹក និងដាំដុះជាផ្លែផ្កាបានយ៉ាងស្រស់ស្អាត និងមានសារមន្ទីរជាច្រើន រួមទាំងផ្លូវឆ្លងកាត់សម្រាប់ជំនួញសក្តិសមជាតំបន់ទេសចរណ៍ដ៏សំបូរបែប។