អ្នកចម្រៀងប្រលោមចិត្តដែលតែងតែនាំមកនូវជាមួយការនិពន្ធចាក់ដោតមនោសញ្ចេតនាដ៏ជ្រៅជ្រៅ លោក KAI កាលពីពេលថ្មីៗនេះទើបតែបានប្រកាសនូវដំណឹងថ្មីមួយថា លោកនឹងមានត្រៀបានកើតមមានបទចម្រៀងថ្មីចែកជូនបងប្អូនទស្សនិកជនទាំងអស់គ្នា ជាពិសេសអ្នកកំពុងខូចចិត្តតែម្តង រឹតតែច្បាស់ជាងនេះគឺខូចចិត្តដោយសារកំដរគេម្នាក់ឯង។
ម្ចាស់បទ«Mascara ទឹកភ្នែក» រូបនេះ ដែលបានសាងវីរកម្មធ្វើអោយកក្រើកបទចម្រៀងមួយនេះផ្ទុះកាលពីឆ្នាំទៅរហូតទៅដល់១៥លាន View ឯណោះនៅលើយូធូប បានបង្ហើបអោយដឹងថា បទចម្រៀងថ្មីរបស់លោកមួយបទនេះ មានចំណងជើងថា«អ្នកកំដរ» ហើយនឹងចេញផ្សាយឡើងនៅថ្ងៃទី២៧ ខែតុលា វេលាម៉ោង៦ល្ងាចខាងមុខនេះហើយ ពោលគឺនៅថ្ងៃនេះតែម្តង ដូច្នេះទស្សនិកជនកុំភ្លេចទស្សនាទាំងអស់គ្នាណា! ចង់ដឹងថាបទចម្រៀងមួយនេះ លោក KAI មានត្រៀមលាយគ្រឿងផ្សំអ្វីខ្លះអោយកាន់តែស៊ីផ្លូវអារម្មណ៍អ្នកស្តាប់ និងមកលើកនេះសេធធ្ងន់កជាងលើមុនប៉ុន្មានដង មានតែត្រូវរង់ចាំមើលបន្តិចទៀតនេះហើយ។
ប៉ុន្តែអេដមីនសូមបង្ហើបបន្តិចចុះ តាមអ្វីដែលអេដមីនដឹង លឺថាបទ«អ្នកកំដរ»នេះ កញ្ញា Reth Sarita Miss Universe Cambodia 2020 ក៏បានចូលរួមសម្តែងផងដែរនៅលើ Lyric Video ចម្រៀងរបស់លោក KAI ហើយក៏ទំនងជាកញ្ញានឹងមានត្រៀមធ្វើ Cover Album ផ្ទាល់របស់កញ្ញាផងដែរនៅក្នុងពេលឆាប់ៗនេះ។
ងាកមកមើលប៉ារ៉ូលចម្រៀងមួយចំនួនដែលលោក KAI បានបង្ហើបអត្ថន័យ គឺមានវិសេសវិសាលដូចជា«អ្នកដែលគួរអោយអាណិតជាងអ្នកខូចចិត្តទៅទៀតនោះគឺអ្នកកំដរ» រឺ«របួសអូនគេជនបង្ក បងចិត្តល្អ អោយខ្ចីផ្អែកស្មា ក្លាយជាមុខសញ្ញានៃការខូចចិត្ត» ជាដើម។
