កាលពីថ្ងៃទី៧ ខែកុម្ភៈកន្លងទៅនេះ តារាចម្រៀងរ៉េប K-LA នៃផលិតកម្ម Galaxy Navatra បានធ្វើការទំលាក់បទចម្រៀងថ្មីមួយបទក្រោមចំណងជើងថា«Whisky»។ អ្វីដែលគួរអោយសំគាល់ថ្មីមួយទៅលើបទចម្រៀងមួយនេះផងដែរគឺស្ថិតនៅក្រោមការនិពន្ធតាក់តែងបទភ្លេងផ្ទាល់ដោយស្នាដៃរបស់លោកសង្ហាដែលជាអតីតដៃគូនិពន្ធបទចម្រៀងជាមួយនឹងលោកវណ្ណដាក៏ដូចជាសមាជិករបស់ក្រុមបារមីស្រាប់។ មួយវិញទៀតសោតមហាជនបង្ហាញចំណាប់អារម្មណ៍ថានេះជាលើកដំបូងហើយដែលពួកគេអាចមើលឃើញទំរង់មុខរបស់លោក K-LAបានច្បាស់ដោយសារនៅលើបទមុនៗ ក៏ដូចជាការសម្តែងមុនៗរបស់លោក លោកតែងតែបិទរបាំងម៉ាសមុខលាក់មុខយ៉ាងអាថ៌កំបាំងតែម្តង ទើបតែមកទល់នៃការសម្តែងថ្មីៗរបស់លោកនេះទេជាឧទាហរណ៍នៅក្នុងការសម្តែង Live Concert Ganzberg ដែលលោកបានបង្ហាញមុខមាត់ពិតរបស់លោក។ 

គួរបញ្ជាក់ផងដែរនេះគឺជាបទទី២របស់លោកដែលបានចេញផ្សាយជាផ្លូវការនៅក្នុងផលិតកម្ម GalaxyNavatra បន្ទាប់ពីបទ«ខោរលុង» ដែលបានចេញផ្សាយកាលពី៦ ខែមករាកន្លងទៅ និងក្រៅពីនេះលោកមានការសម្តែង Live Performanceនូវបទ One More និងបទបាយបបរស ក៏ដូចជាបទរួមគ្នាជាមួយនឹងកញ្ញាតន់ចន្ទសីម៉ាជាច្រើនបទទៀតដូចជាបទមីឆុងមីឆា បទអូន the best បទEnjoyLifeនិងបទSមួយឆ្នូត។ យ៉ាងណាមិញផងដែរសង្កេតឃើញថាលោក K-LAពិតជាតារាចម្រៀងរ៉េបដែលពោរពេញដោយសមត្ថភាពមួយរូប លោកអាចនិពន្ធទំនុកចម្រៀងបានដោយខ្លួនឯង និងមានសមត្ថភាពច្រៀងរ៉េបបានដ៏អស្ចារ្យ។ ចុះទស្សនិកជនពេញចិត្តតារា Hip Hop មួយរូបទៀតរបស់កម្ពុជានេះដែររឺទេ? Let me know in your comment below!