តារាចម្រៀងនៃក្រុម WassGood Music លោក Justin បានទំលាក់បទចម្រៀងថ្មីជាមួយបទមានចំណងជើងថា "បែកព្រឹល" ដោយចូលរួមសម្តែងពីដៃគូរួមក្រុមរបស់លោកគឺលោក The Homie កាលពីថ្ងៃទី២២ ខែវិច្ឆិកា ឆ្នាំ២០២២។ អ្វីដែលគួរអោយចាប់អារម្មណ៍សំរាប់ក្រុម WassGood Music គឺពួកគេតែងតែព្រួតដៃគ្នាជួយគ្នាទៅវិញទៅមកនៅលើបទចំរៀងនីមួយៗមិនថាជាការសរសេរ Lyric, ការ Mix & Master នៃបទចម្រៀងក៏ដូចជាការផលិតផងដែរ។ ជាក់ស្តែងនៅលើបទចម្រៀង "បែកព្រឹល" របស់លោក Justin ផងដែរក៏មានការដឹកនាំសម្តែងផ្ទាល់ដោយលោក ហេង ផងដែរបង្ហាញពីការសាមគ្គីភាពគួរអោយស្ញប់ស្ញែងរបស់អ្នកសិល្បករយើងខ្លាំងណាស់។ 

គួររំលឹកផងដែរឃើញថាលោក Justin នាពេលកន្លងមកលោកធ្លាប់បានបញ្ចេញបទចំរៀងមួយចំនួនរួចមកហើយដែលមានដូចជាបទ WinterLuv, Please Back, Moonlight និងស្រលាញ់កូនម៉ាក់ ដែលកន្លងមកបទចម្រៀងរបស់លោកសុទ្ធសឹងតែជាបទស្នេហាបែប Chill តែមកប៉ះបទចម្រៀងថ្មីនេះ លោកបានធ្វើអោយទស្សនិកជនមើលឃើញពីការបង្ហាញសមត្ថភាពនិពន្ធនិងច្រៀងបទចម្រៀងចង្វាក់ Hip Hopរបស់លោកយ៉ាងគួរអោយភ្ញាក់ផ្អើល។ ម្យ៉ាងវិញទៀតបទចម្រៀងនេះសក្តិសមបំផុតសម្រាប់ស្តាប់នៅក្នុងបរិកាសកម្សាន្តនៅពេលរាត្រី! តើទស្សនិកជនទាំងអស់គ្នាពេញចិត្តបទចម្រៀង "បែកព្រឹល" នេះត្រង់ចំនុចណាខ្លះកុំភ្លេចខមមែននៅខាងក្រោមនេះផងណា!