ចននី ដេប និយាយថា គាត់ចង់សម្តែងជាតួអង្គរឿងព្រេងនិទាន Jack Sparrow ក្នុងរឿង Pirates of the Caribbean មួយទៀត។ តារាសម្តែងរូបនេះបានបង្ហាញអារម្មណ៍នេះក្នុងអំឡុងពេលនៃការផ្តល់សក្ខីកម្មថ្ងៃទី 4 របស់គាត់នៅក្នុងការកាត់ទោសពីបទបរិហារកេរ្តិ៍ប្រឆាំងនឹងអតីតភរិយារបស់គាត់គឺ អែមប៊ឺ ហឺដ (Amber Heard)។
យោងតាម លោក ដេប (Depp) ក្រុមហ៊ុន Disney បានមករកគាត់ក្នុងឆ្នាំ 2018 ដើម្បីចូលរួមក្នុងការសរសេរស្គ្រីបសម្រាប់ខ្សែភាពយន្ត ចោរសមុទ្រ (Pirates) ទីប្រាំមួយ។ តារាសម្តែងរូបនេះបានអះអាងថាក្រុមហ៊ុន (Disney) បានគេចវេសពីការយកគាត់ធ្វើជាតួសម្តែងម្តងទៀតសម្រាប់គម្រោងនេះ បន្ទាប់ពីបានឃើញអត្ថបទមតិផ្ទាល់ខ្លួនមួយរបស់ អ្នកស្រី ហឺដ កាលពីខែធ្នូ ឆ្នាំ២០១៨ ដែលបានសរសេរថា នាងធ្លាប់ត្រូវបានរំលោភបំពានក្នុងការគ្រួសារនៅពេលរៀបការជាមួយគាត់។ តែ Depp បដិសេធការចោទប្រកាន់របស់ Heard និងអះអាងថា Disney បដិសេធការសម្តែងរបស់គាត់ម្តងទៀតនៅក្នុងភាពយន្តចោរសមុទ្រខែរីបៀន (Pirates of the Caribbean) គឹដោយសារតែការលើកឡើងរបស់នាង។ បច្ចុប្បន្នគាត់កំពុងទាមទារសំណង ៥០លានដុល្លារ។ Depp បានផ្តល់សក្ខីកម្ម (តាមរយៈ Variety) ថា "អារម្មណ៍របស់ខ្ញុំគឺថាតួអង្គទាំងនេះគួរតែអាចលាគ្នាបានត្រឹមត្រូវ" ។ "មានវិធីមួយដើម្បីបញ្ចប់សិទ្ធិអាជីវកម្មបែបនោះ... ខ្ញុំបានគ្រោងនឹងបន្តរហូតដល់ពេលដែលត្រូវបញ្ឈប់។" ទោះបីជាយ៉ាងណាក៏ដោយ ចាប់តាំងពីឆ្នាំ២០១៨ មក លោក ដេប បាននិយាយ លោកនឹងមិនសម្តែង នៅក្នុងរឿង ចោរសមុទ្រមួយទៀតនោះទេ បើទោះបីជា ក្រុមហ៊ុន Disney ឲ្យគាត់ ៣០០លានដុល្លារ និង ជៀម អាលបា៉កាមួយលានក្បាលក៏ដោយ។ តែនៅពេលគេសួរអំពីរឿងនោះនៅក្នុងតុលាការ ដេប បាននិយាយថា គាត់បានធ្វើអត្ថាធិប្បាយបន្ទាប់ពី ក្រុមហ៊ុន Disney បានបណ្តេញគាត់ចេញ។
តួអង្គ Jack Sparrow របស់ Depp គឺជាផ្នែកមួយដ៏សំខាន់នៃយីហោ Pirates of the Caribbean ដែលទទួលបានជោគជ័យរបស់ Disney ។ មុនពេលចែកផ្លូវជាមួយ Depp ស្ទូឌីយោបានផលិតខ្សែភាពយន្ត Pirates ចំនួនប្រាំជាមួយគាត់ គឹ រឿង Pirates of the Caribbean: The Curse of the Black Pearl នៅក្នុងឆ្នាំ ២០០៣ រហូតដល់រឿង Pirates of the Caribbean: Dead Men Tell No Tales នៅក្នុងឆ្នាំ២០១៧។ ភាពយន្តសរុបចំនួន ៥ ដំបូងរកបានជិត ១.៥ ពាន់លានដុល្លារនៅទូទាំងពិភពលោក។
ខ្សែភាពយន្ត Pirates ទីប្រាំមួយបានរលត់ទៅវិញនៅឆ្នាំ 2019 បន្ទាប់ពី Disney បានបណ្តេញអ្នកនិពន្ធ Depp និង ដេដប៉ូល រេត រីស (Deadpool Rhett Reese) និង ប៉ូល វៀនីក ( Paul Weernick) ចេញពីគម្រោងផងដែរ។ ទោះជាយ៉ាងណាក៏ដោយកាលពីមួយឆ្នាំមុន Disney ត្រូវបានគេរាយការណ៍ថាកំពុងធ្វើការលើខ្សែភាពយន្ត Pirates ថ្មីជាមួយ ម៉ាហ្គត រូ៉ប៊ី (Margot Robbie) ៕