ជេឡូ(JLo) ចង់កាត់មុខជំនួញរបស់នាងជាមួួយអតីតគូដណ្តឹង អាឡិច រ៉ដឌ្រីហ្គេស (Alex Rodriguez)

បន្ទាប់ពីលុបរូបថតជាច្រើនរបស់នាងជាមួយអាឡិចរ៉ដឌ្រីហ្គេសរួចមក ជេឡូចង់បន្តផ្តាច់ទំនាក់ទំនងជាមួយអតីតគូដណ្តឹងរបស់នាងឲ្យអស់តែម្តង ដែលទំនាក់ទំនងបច្ចុប្បន្ននៅសល់តែរឿងការងារតែប៉ុណ្ណោះ។ 

តារាជើងចាស់មួយរូបនេះបានពោល “ខ្ញុំចង់ឲ្យវាភាពច្បាស់លាស់ជាមួយដៃគូបច្ចុប្បន្ន”។ អ្នកតំណាងរបស់លោក ប៊េន អាហ្វ្លិក(Ben Affleck) បានប្រាប់ថានេះជាមូលហេតុដែលជេឡូចង់លក់ភាគហ៊ុនមុខជំនួញរបស់នាងចេញ ឬក៏ទិញភាគហ៊ុនរបស់ A-Rodឡើងតែម្តង សំខាន់គឺពួកយើងដើរផ្លូវរៀងខ្លួនហើយ។

យោងតាមសារព័ត៌មាន US Weekly បានបញ្ជាក់ថា ជេឡូកំពុងសិក្សាជាមួយមេធាវីរបស់នាងក្នុងការលក់ហ៊ុនមុខជំនួញរបស់នាងដែលបានបង្កើតជាមួយA-Rodនេះ ហើយវាក៏ជាមូលហេតុមួយដើម្បីទំនាក់ទំនងរបស់នាងជាមួួយប៊េន អាហ្វ្លិកដែរ។

ជេឡូបានបញ្ចប់ទំនាក់ទំនងជាមួយអាឡិច គឺនាងផ្តាច់ទាំងមនោសញ្ចេតនា និងការងារដោយឲ្យក្រុមអ្នកគ្រប់គ្រងការងារ និងមេធាវីរបស់នាងដោះស្រាយបញ្ហានេះដោយវិធីទិញហ៊ុននាងឡើង ឬលក់ហ៊ុនឲ្យនាងវិញ។ នាងមិនខ្វល់ថាមានរឿងអីកើតឡើងនោះទេ សំខាន់នាងចង់ផ្តាច់ទំនាក់ទំនងជាមួយA-Rodឲ្យបាន ដាច់ស្រឡះ សូម្បីតែក្នុងinstagram ក៏នាងលុប A-Rodចេញដែរ។

A-Rod ជាអ្នកជំរុញឲ្យJLoធ្វើជាអ្នកជំនួញ នាងមិនមែនមានមុខរបរជាកំពូលតារាចម្រៀង និងតារាសម្តែង តែមួយមុខនោះទេ។ នាងធ្លាប់បានប្រាប់ទៅទស្សនាវដ្តី ហ្វបស៍កាលពីខែធ្នូ ឆ្នំ2020កន្លងទៅថា “នាងមានអារម្មណ៍ថាមានភាពជឿជាក់នៅពេលដែលនាងចាប់ផ្តើមធ្វើការបណ្តាក់ទុនក្នុងក្រុមហ៊ុនផ្សេងៗ និងបោះទុនធ្វើជំនួញដោយខ្លួនឯង"។

JLo និង A-Rod ជាម្ចាស់ក្រុមហ៊ុនអចលនទ្រព្យដ៏ធំមួយ ហើយពួកគេបានបណ្តាក់ទុនលើក្រុមហ៊ុនថែរក្សាសម្ផស្សមួយដែលមានឈ្មោះថា Hims & Hers មិនត្រឹមតែប៉ុណ្ណោះពួកគេមានអេបសម្រាប់បង្វឹកឈ្មោះថា Fitplanថែមទៀតផង៕

អត្ថបទដកស្រង់