សមាជិកក្រុមចំរៀង BTS Jin បានបញ្ចេញបទចំរៀងចុងក្រោយរបស់លោកមុនពេលចេញទៅបំពេញបេសកកម្មបំរើយោធោនៅក្នុងប្រទេស។ ដោយបទចំរៀងមួយនោះមានចំណងជើងថា "The Astronaut" ដែលជាកិច្ចរួមសហការការងារជាមួយនឹង Coldplay កាលពីថ្ងៃសុក្រ ដោយឡែកបទចំរៀងមួយនេះផងដែរទើបតែបានផ្សាយចេញទៅកាលពីថ្ងៃទី២៨ ខែតុលាថ្មីៗកន្លងមកនេះទេ។
គួរបញ្ជាក់ផងដែរបទចំរៀងមួយនេះរបស់ Jin បានឈរទៅលើលំដាប់លេខរៀងទី១លើតារាងកំពូលបទចំរៀងទាំង១០០នៅលើយូធូបតែម្តងនៅលើផ្នែក Global Top Music Videos ដែលគិតនៅក្នុងសប្តាហ៍ចន្លោះថ្ងៃទី២៨ ខែតុលាដល់ថ្ងៃទី០៣ ខែវិច្ឆិកាខណៈពេលនៃការចាប់ផ្តើមចេញផ្សាយភ្លាមៗ។យ៉ាងណាមិញ Jin បានបង្ហាញអោយដឹងថាតាមពិតទៅលោកត្រូវចេញទៅបំរើយោធាតាំងពីខែមិថុនាមកម្ល៉េះ ព្រោះលោកចូលចិត្តរដូវក្តៅច្រើនជាងរដូវរងារ ប៉ុន្តែដោយសារតែមាន Concert នៅ Busan នៅអំឡុងពេលខែតុលានេះ ចៀសវាងធ្វើអោយអ្នកគាំទ្ររបស់លោកមើលការសម្តែងទាំងអារម្មណ៍សោកសៅ ទើបលោកពន្យាពេលចូលទៅធ្វើទាហានវិញ។
Jin បានបន្តឡើងថាពីដំបូងឡើយខាងក្រុមហ៊ុនបានសួរសមាជិកម្នាក់ៗថាតើគេចង់ជ្រើសរើសយកខ្លួនឯង រឺអ្នកគាំទ្រ? ហើយ Jin ក៏ឆ្លើយឡើងថាគេជ្រើសរើសយកអ្នកគាំទ្រ ទើបនោះជំរុញអោយគេសំរេចចិត្តបង្កើនភាពក្លាហានរបស់ខ្លួនឯងចូលហ្វឹកហាត់ទ័ពនៅក្នុងរដូវរងាវិញជាជាងតាមបំណងប្រាថ្នាខ្លួនឯងនៅក្នុងរដូវក្តៅ ដើម្បីបានសម្តែងការប្រគំតន្រ្តីដល់អ្នកគាំទ្រទស្សនាជាលើកចុងក្រោយ មុនពេលគេត្រលប់មកក្នុងក្រុមវិញនៅក្នុងឆ្នាំ២០២៥។
