តារាចម្រៀង "Who You Are" បានចែករំលែកបទពិសោធន៍របស់នាងនៅលើ Instagram កាលពីថ្ងៃពុធ។
នាងចាប់ផ្តើមបង្ហោះរូបជាមួយនឹង Emoji ខូចចិត្តដោយសរសេរថា "កាលពីព្រឹកមិញ ខ្ញុំកំពុងសើចជាមួយមិត្តភ័ក្តិម្នាក់ដោយបាននិយាយថា "ខ្ញុំនឹងឆ្លងផុតការប្រគុំតន្ត្រីរបស់ខ្ញុំនៅ LA ក្នុងយប់ស្អែក ដោយមិនប្រាប់ទស្សនិកជនទាំងអស់ថា ខ្ញុំមានផ្ទៃពោះនោះទេ"។
"មកដល់ពេលរសៀលម្សិលមិញ ខ្ញុំបានខ្លាចគំនិតនៃការទៅការប្រគុំតន្ត្រី ដោយមិនបង្ហាញពីការខូចចិត្តរបស់ខ្ញុំបានទេ ... " "បន្ទាប់ពីបានទៅស្កេនលើកទី 3 របស់ខ្ញុំ ហើយត្រូវបានគេប្រាប់ថា កូនក្នុងផ្ទៃរបស់ខ្ញុំមិនមានចង្វាក់បេះដូងទៀតទេ" ។
Jessie J បាននិយាយថា នាងមិនមានគម្រោងលុបចោលការប្រគុំតន្ត្រីនៅ Los Angeles របស់នាងទេ ហើយបានចង្អុលបង្ហាញថានាង "បានធ្វើកម្មវិធីចំនួន 2 ក្នុងរយៈពេល 2 ឆ្នាំ ហើយចិត្តរបស់ខ្ញុំត្រូវការវា" ។
នាងបានបន្តសរសេរថា៖ “ខ្ញុំដឹងថា មនុស្សមួយចំនួននឹងគិតថា នាងគួរតែលុបចោលការប្រគុំតន្រ្តីនេះ។” "ប៉ុន្តែនៅខណៈពេលនេះ ខ្ញុំមានភាពច្បាស់លាស់នៅលើរឿងមួយ។ ខ្ញុំបានចាប់ផ្តើមច្រៀងតាំងពីខ្ញុំនៅក្មេង ដើម្បីមានភាពរីករាយ ដើម្បីបំពេញចិត្ត និងការព្យាបាលដោយខ្លួនឯង ដែលមិនធ្លាប់មានការផ្លាស់ប្តូរនោះទេ ហើយខ្ញុំត្រូវតែធ្វើវាតាមវិធីរបស់ខ្ញុំ" ។
នាងបានបន្តថា នាងនឹងក្លាយជាឪពុកម្តាយដែលមើលថែកូនតែម្នាក់ឯង "ព្រោះវាជាអ្វីដែលខ្ញុំចង់បាន ហើយជីវិតមនុស្សម្នាក់ៗ គឺខ្លីណាស់"។
នាងបានបន្ថែមថា៖ «ការមានផ្ទៃពោះ គឺជាអព្ភូតហេតុមួយ និងជាបទពិសោធន៍មួយដែលខ្ញុំមិនអាចបំភ្លេចបាន ហើយខ្ញុំដឹងថា ខ្ញុំនឹងមានវាម្តងទៀត»។ នាងបានសរសេរថា "ខ្ញុំនៅតែមានភាពមានតក់ស្លុត ហើយភាពសោកសៅ គឺច្រើនលើសប្រមាណ។ ប៉ុន្តែខ្ញុំដឹងថា ខ្ញុំរឹងមាំ ហើយខ្ញុំនឹងមិនអីទេ"។
អត្តបទដកស្រង់ពី Lisa Respers France
បកប្រែនិងកែសម្រួលដោយ Mr. Blue