កាលពីថ្ងៃទី១១ ខែមីនាកន្លងទៅនេះ ក្រុមតារាចម្រៀងជំនាន់ថ្មីទាំង៥រូបដ៏មានភាពទាក់ទាញនៃក្រុមរបស់លោក Raksa ដែលរួមមានលោកYoung Spider, Van Renh, Vikit ,Tony និងលោក Raksa ខ្លួនឯងផ្ទាល់ទើបតែបានធ្វើការបានទំលាក់បទចម្រៀងថ្មីមួយបទទៀតយ៉ាង Cool និង Playboyឡួយតែម្តងក្រោមចំណងជើងថា«បិទបេះដូង»។ គួរបញ្ជាក់ផងដែរបទចម្រៀងមួយនេះត្រូវបានចេញផ្សាយឡើងនៅក្នុងថ្ងៃកំណើតរបស់លោក Raksa ហើយលោក Raksa ផ្ទាល់បានសរសេរជូនពរខ្លួនឯងនៅលើបណ្តាញសង្គមអោយដឹងថា«MV បទបិទបេះដូង វាជាកាដូរសម្រាប់ខ្លួនឯងក្នុងឆ្នាំថ្មី និងសម្រាប់អ្នកទាំងអស់គ្នាផងដែរ។ លោក Raksa និងក្រុមរបស់លោកគឺជាសិល្បករកម្ពុជាជំនាន់ថ្មីដែលធ្វើនាំយកចង្វាក់ Jersey Club មកតាមរយៈបទចម្រៀងរបស់ពួកគេ ហើយបណ្តាអ្នកគាំទ្ររបស់លោកពិតជាគាំទ្រនូវរាល់ស្នាដៃដែលមានបញ្ចូលចង្វាក់មួយនេះទៅក្នុងបទចម្រៀងរបស់លោក។ ម្យ៉ាងវិញទៀតបទចម្រៀងនេះក៏បានធ្វើអោយមហាជនកាន់តែចាប់អារម្មណ៍ទេពកោសល្យរបស់លោក Raksa ខ្លាំងឡើង ព្រោះមិនត្រឹមតែលោកអាចនិពន្ធ និងច្រៀងបានដោយខ្លួនឯងនោះទេ លោកក៏អាច Produce បទចម្រៀងនេះបានដោយខ្លួនឯងថែមទៀត ដែលសបញ្ជាក់អោយឃើញថាសមត្ថភាពរបស់សិល្បករកម្ពុជាកាន់តែមានគុណភាព អាចផលិតបទភ្លេងបទភ្លេងបានដោយឯង និងបង្កើត OriginalSong។ គួររំលឹកផងដែរថាអ្នកទាំង៥រូបក៏ធ្លាប់បានបង្ហាញខ្លួនរួមគ្នាជាមួយនឹងលោក Raksa នៅក្នុងបទចម្រៀងមួយចំនួនទៀតដូចជាបទ«Saro» បទ«DRAGGY CIGGY» និងបទ«No Problem» ជាដើម។ តើទស្សនិកជនពេញចិត្តបទថ្មីរបស់លោក Raksa កម្រិតណា Let me know in your comment below!
