ស្គាល់ម្ចាស់បទចម្រៀងនេះហើយ ជឿជាក់ថាទស្សនិកជនច្បាស់ជានឹងបានដឹងរឿងរ៉ាវមួយចំនួនពាក់ព័ន្ធនឹងលោកយូហៃបន្ថែមទៀត។ ជាការពិតទៅម្ចាស់បទ«អូន» ដ៏ល្បីកក្រើកនៅលើបណ្តាញសង្គម Tik Tok កាលពីពេលថ្មីៗនេះ គឺជាដៃគូចម្រៀង និងជាមិត្តភក្តិនៅក្នុងក្រុមចំរៀងចាស់របស់លោកយូហៃនោះទេ ដែលមានឈ្មោះថា AMATAK។ កន្លងមកពួកគេបានបញ្ចេញបទចម្រៀងមួយចំនួននៅក្រោម Label នេះ ដែលបានធ្វើអោយមហាជនបានស្គាល់ចំរៀងរបស់ពួកគេ។
នៅក្នុងនោះមានដូចជាបទ«I Don’t know» បទ«Higher» បទ«G SARAVAN» របស់លោកយូហៃ និងបទ«ឆ្កួតនឹងស្រី» ក៏ដូចជាបទ«អូន» នេះរបស់លោក Jady ជាដើម។ ដោយក្រុមមួយនេះបានចាប់ផ្តើមបង្កើតឡើងចាប់តាំងពីចុងឆ្នាំ2022មកម្ល៉េះ ដែលជា Fresh Beginning សម្រាប់ពួកគេតែម្តង។
ហើយអ្នកទាំងពីរក៏តែងតែបានបង្ហាញការ Support គ្នាទៅវិញទៅមកដោយមិនមានការរារែកក្រោយពេលលោកយូហៃបានឈានជើងបញ្ចប់ភាពជាសិល្បករឯករាជ្យ។ ខណៈពេលនេះផងដែរ បន្ទាប់ពីបទ«អូន» របស់លោក Jady បានផ្សាយចេញទៅ និងទទួលបានប្រជាប្រិយភាពយ៉ាងខ្លាំង ពួកគេទាំងពីរនាក់ក៏មិនបានស្ទាក់ស្ទើរនឹងការចេញបទនេះ Version ថ្មីរួមគ្នា ដែលជា Version 2។ ចុះទស្សនិកជនបានស្តាប់ទាំងពីរបទនេះហើយរឺនៅ ហើយយល់ឃើញយ៉ាងណាដែរចំពោះភាពខុសប្លែកនៃទាំងពីរបទនេះ?
