Pink Pink មកទៀតហើយ! “បទ Lost” Version 2 របស់អ្នកចម្រៀងរ៉េបដ៏សំលេងផ្អែម លោក Jady បានទំលាក់ជាផ្លូវការហើយកាលពីយប់មិញនេះ។ ដោយកាលពីថ្ងៃទី២៦ ខែមិថុនាកន្លងទៅនេះ លោក Jady អ្នកចម្រៀងរ៉េបនៃផលិតកម្ម Amatak បានធ្វើការទំលាក់នូវបទចំរៀង«Lost» Version Remix របស់លោកមួយបទ ដែលជាការសហការរួមគ្នាឡើងជាមួយនឹងកំពូលតារាចម្រៀងរ៉េបពីររូបទៀតនៃក្រុមចម្រៀង La Cima Cartel ដែលអ្នកទាំងពីរគឺជាលោក Meezy24k និងលោក YCN Tomie។
គួរបញ្ជាក់ផងដែរថា បទចម្រៀងមួយនេះត្រូវបានមហាជនមានការទន្ទឹងរង់ចាំជាខ្លាំង ដោយបទ«Lost» និងបទ«អូន» របស់លោក Jady សុទ្ធសឹងតែជាបទដ៏ផ្អែមល្ហែម និងទទួលបានប្រជាប្រិយភាពយ៉ាងខ្លាំងគួរអោយកត់សម្គាល់ ខណៈថែមទាំងត្រូវបានសហការឡើងជាមួយនឹងកំពូលតារាចម្រៀងរ៉េបល្បីៗ និងសំលេងផ្អែមថែមទៀតផង។ ដោយគួររំលឹកបានថា កាលពីបទ«អូន» លោក Jady បានសហការបទ«អូន Remix» ឡើងជាមួយនឹងលោក Yuhai នៃផលិតកម្មបារមី ហើយនៅលើបទចម្រៀងនេះផងដែរ លោកបានសហការជាមួយនឹងសមាជិករបស់ក្រុម La Cima Cartel វិញម្តង។ តើទស្សនិកជនបានស្តាប់បទ Lost Remix នេះហើយរឺនៅ? ហើយពេញចិត្តខ្លាំងកម្រិតណា? និងយល់ថាមានភាពខុសប្លែកគ្នាដូចម្តេចខ្លះរវាងបទដើម និងបទ Version Remix នេះ?
