តោះមកមើលថា តើមានអ្នកណាខ្លះនៅក្នុងបញ្ជីនេះ ៖

1. Angelina Jolie

តារាស្រីដែលឈ្នះពានរង្វាន់អូស្ការរូបនេះ បានបំបែកឯតទគ្គកម្ម Instagram ដោយទទួលបានអ្នកតាមដានមួយលាននាក់ក្នុងរយៈពេលមួយម៉ោង (ទោះបីជាមិនទាន់ត្រូវបានផ្ទៀងផ្ទាត់ដោយ Guinness World Records ក៏ដោយ) យោងតាម OK! ទស្សនាវដ្តី។ បីម៉ោងក្រោយមក នាងក៏ទទួលបានអ្នកតាមដាន 2.1 លាននាក់បន្ថែមទៀត។

2. Taeil សមាជិកក្រុម NCT

សមាជិកក្រុមចម្រៀងប្រុស NCT របស់កូរ៉េខាងត្បូង Taeil គឺជាអ្នកកាន់កំណត់ត្រាពិភពលោក Guinness World Record ក្នុងរយៈពេលដ៏ខ្លីបំផុតក្នុងការទទួលបានអ្នកតាមដាន Instagram មួយលាននាក់។ គាត់ទទួលបានលេខប្រាំពីរខ្ទង់នេះក្នុងរយៈពេលត្រឹមតែ 1 ម៉ោង 45 នាទី បន្ទាប់ពីការបង្ហាញខ្លួន ជាមួយនឹងការថតរូប Selfie កាលពីថ្ងៃទី 6 ខែកក្កដា។ 

3. Rupert Grint

លោក Rupert Grint តារាសម្តែងក្នុងរឿង Harry Potter ដើរតួជា Ron Weasley ទទួលបានអ្នកតាមដានមួយលាននាក់ក្នុងរយៈពេលត្រឹមតែ 4 ម៉ោង 1 នាទីប៉ុណ្ណោះ។ នៅក្នុងខែវិច្ឆិកា ឆ្នាំ 2020 គាត់បានបង្កើតគណនីជាមួយ Instagram ហើយបានបង្ហោះរូបថតខ្លួនឯងពរកូនស្រីដែលទើបនឹងកើតរបស់គាត់ ឈ្មោះ Wednesday G. Grint ។ 

4. លោក David Attenborough

អ្នកផ្សព្វផ្សាយជើងចាស់ ធម្មជាតិវិទូ និងជាតារាក្នុងក្រុមហ៊ុន Netflix's Planet Earth David Attenborough ប្រើរយៈពេល 4ម៉ោង និង 44 នាទី ដើម្បីទទួលបានអ្នកតាមដានមួយលាននាក់។ គាត់បានបង្កើតគណនី Instagram នេះ គឺដើម្បីផ្តល់ព័ត៌មានទៅដល់អ្នកប្រើប្រាស់ Instagram វ័យក្មេង និងព្រមានពួកគេអំពីវិបត្តិបរិស្ថានពិភពលោក។

5. Jennifer Aniston

នៅខែតុលា ឆ្នាំ 2019 Jennifer Aniston បានបង្កការភ្ញាក់ផ្អើលជាមួយនឹងការបង្ហោះ Instagram ដំបូងរបស់នាង។ នាងបានថតរូបសែលហ្វីជាមួយមិត្តរួមក្រុមរបស់នាង ដែលជាការចាប់អារម្មណ៍ភ្លាមៗ។ នាងទទួលបានអ្នកតាមដានមួយលាននាក់ក្នុងរយៈពេល 5 ម៉ោង 16 នាទី។

6. ព្រះអង្គម្ចាស់ Harry និង ព្រះមហេសីរបស់ព្រះម្ចាស់ Meghan Markle

ព្រះអង្គម្ចាស់ Harry និង ព្រះមហេសីរបស់ព្រះម្ចាស់ Meghan Markle បានបង្កើតគណនី Instagram ផ្ទាល់ខ្លួន ដែលដាច់ដោយឡែកពីគណនីផ្លូវការរបស់រាជវង្សអង់គ្លេស។ ពួកគេអាចទទួលបានអ្នកតាមដាន ១លាននាក់ ក្នុងរយៈពេល 5ម៉ោង 45 នាទី។

7. Daniel Kang

តារា K-pop ទទួលបានអ្នកតាមដានមួយលាននាក់ក្នុងរយៈពេលត្រឹមតែ 11 ម៉ោង 36 នាទី ក្នុងខែមករា ឆ្នាំ 2019 ។ គាត់បានបង្ហោះការថតរូប Selfie ដែលគាត់បានដាក់ចំណងជើងថា "HELLO" ។ ទោះបីជាយ៉ាងណាក៏ដោយ គាត់បានជួបប្រទះបញ្ហាជាមួយនឹងគណនីបំបែកកំណត់ត្រារបស់គាត់ ដោយសារតែអតីតអ្នកគ្រប់គ្រងរបស់គាត់គឺ LM Entertainment បានបដិសេធគាត់ថាជាម្ចាស់កម្មសិទ្ធិ នេះបើយោងតាម Nextshark ហើយឥឡូវនេះវាត្រូវបានលុបចោល។ ដូច្នេះគាត់បានបង្កើតគណនីផ្ទាល់ខ្លួនថ្មីជំនួសវិញ។

8. Pope Francis

Pope Francis ទទួលបានអ្នកតាមដានមួយលាននាក់ក្នុងរយៈពេលត្រឹមតែ 12 ម៉ោងប៉ុណ្ណោះ នៅពេលដែល Instagram របស់គាត់បានផ្សាយបន្តផ្ទាល់ក្នុងឆ្នាំ 2016 ។ ការបង្ហោះដំបូងរបស់គាត់គឺ គាត់ត្រូវបានគេថតរូបលុតជង្គង់ ហើយសរសេរថា "ការអធិស្ឋានសម្រាប់ខ្ញុំ" ជា ៩ភាសា។

9. David Beckham

តារាបាល់ទាត់រូបនេះបានចូលរួមជាមួយ Instagram ដើម្បីប្រារព្ធខួបកំណើតគម្រប់ 40 ឆ្នាំរបស់គាត់ ក្នុងឆ្នាំ 2015 ។ ក្នុងរយៈពេលត្រឹមតែ 24 ម៉ោង គាត់មានចំនួនអ្នកតាមដានរបស់គាត់ បានកើនឡើងដល់មួយលាននាក់។ គាត់បានបង្ហាញខ្លួនជាលើកដំបូងជាមួយនឹងការថតសែលហ្វីលើគ្រែដោយគ្មានពាក់អាវ។

10. Emma Watson 

ទោះបីជាមិនមានពេលវេលាជាក់លាក់ណាមួយ ដែលនិយាយអំពីពេលដែលនាងឈានដល់ការមានអ្នកតាមដានមួយលាននាក់ក៏ដោយ Emma Watson ទទួលបានអ្នកតាមដាន Instagram ពីរលាននាក់ក្នុងរយៈពេលពីរថ្ងៃ។ ការបង្ហោះដំបូងរបស់នាង គឺជារូបរបស់នាងក្នុងតំណែងជាឯកអគ្គរដ្ឋទូតសុច្ឆន្ទៈរបស់អង្គការសហប្រជាជាតិសម្រាប់ស្ត្រីនៅក្នុងឆ្នាំ 2014 ៕

អត្តបទដកស្រង់ពី Kenn Anthony Mendoza

បកប្រែនិងកែសម្រួល Mr. Blue