កាល់ពីពេលថ្មីៗនេះ លោក ​​G-Devit ធ្វើអោយមហាជនជាពិសេសអ្នកគាំទ្ររបស់លោកមានការភ្ញាក់ផ្អើលសារជាថ្មីបន្ទាប់បានចេញផ្សាយនៅ​ Teaser កន្ត្រាន់អារម្មណ៏ថ្មីៗចំនួន២ដែលបានចេញកាលពីថ្ងៃទី២១​និងព្រឹកថ្ងៃទី២២ អំពីការចេញផ្សាយបទចចម្រៀងវីដេអូជាផ្លូវការនៃបទចម្រៀងលេខរៀងទី១២ ដែលមាននៅក្នុងអាល់ប៊ុមទី៣ Passion របស់ខ្លួន។ គួរបញ្ជាក់ផងដែរថា​ បទចម្រៀងមួយបទនេះ ដំបូងឡើយមានចំណងជើងតែមួយគត់ប៉ុណ្ណោះគឺអញធុញណាស់ តែក្រោយពីមានមតិយោបល់ជាច្រើនពីមហាជន រូបលោកក៏បានសម្រេចប្តូរចំណងជើងបទចម្រៀងនេះទៅជា‘’ I’m Bored ‘’វិញនិងថែមទៀត អរគុណដល់ការបញ្ចេញមតិល្អៗរបស់ទស្សនិកជនគ្រប់គ្នាផងដែរ។ អ្វីកាន់តែមិននឹកស្មានទៅទៀតនោះបទចម្រៀងវីដេអូនេះក៏ត្រូវបានចូលរួមដឹកនាំសម្តែងដោយលោក Athika និងលោក Tep Nimith ដែលជាប្អូនប្រុសបង្កើតរបស់កញ្ញាទេពបូព្រឹក្សក៏ត្រូវបានចូលរួមដឹកនាំប្លង់ថតផងដែរ។

មិនតែប៉ុណ្ណោះ លោក ជីដេវីត ក៏ផុសវីដេអូមួយអំពីដំណើរការនៃការផលិតបទចម្រៀងនេះនៅតាមបណ្តាញសង្គមតិកតុកផ្លូវការរបស់ខ្លួនដែលមានការដាកបង្ហាញនូវប្លង់ថតមួយនៃបទចម្រៀងនេះដែលសង្កេតឃើញថា រូបលោកកំពុងច្រៀងនៅឆាតដែលមានភ្លើងព័ណ៌ចម្រុះនិងមានមនុស្សមួយក្រុមដែលកំពុងស្លៀកសម្លៀកបំពាក់ព័ណ៌ខ្មៅកំពុងមើលទៅកាន់រូបលោកផងដែរ។ ចង់ដឹងថាចម្រៀងថ្មីក្រោមចំណងជើងថា I’m bored ដែលនឹងចេញក្រោយមួយសប្តាហ៏បន្ទាប់ពីបទចម្រៀង How about now? ដែលទើបតែបញ្ចេញបានរយៈពេល១សប្តាហ៏កន្លងទៅនេះនឹងអាចឆក់យកចំណាប់អារម្មណ៏មិត្តយុវវ័យកម្រិតណាកុំភ្លេចតាមដានទាំងអស់គ្នានៅលើឆាណែលផ្លូវការដែលមានឈ្មោះថា Ditway របស់លោក។

អត្ថបទដោយ Calvin Nann