កាលពីពេលថ្មីៗនេះនៅលើបណ្តាញសង្គម Tik Tok មានការផ្ទុះឡើងជាថ្មីនូវបទចម្រៀង«Sorry if I die» របស់ក្រុម EMT Music ដែលបានចេញផ្សាយកាលពីថ្ងៃទី១៧ ខែធ្នូ ឆ្នាំ២០២២ រយៈពេលពីរខែកន្លងទៅនេះ។ ដោយមហាជនជាច្រើនក៏បានចាប់អារម្មណ៍ឃើញថាបទចម្រៀងមួយនេះផងដែរក៏មានចំណងជើងស្រដៀងគ្នាទៅនឹងបទចម្រៀង«If I Die» របស់លោកជីដេវីតនិងលោកវណ្ណដាផងដែរ។ គួរបញ្ជាក់ផងដែរបទចម្រៀង«If I die»របស់លោកជីដេវីតត្រូវបានចេញផ្សាយមុនគេបង្អស់ដែលជាបទចាស់មួយរបស់លោកមានរសជាតិបែបចម្រៀងពោរពេញដោយថាមពលនិងការលើកទឹកចិត្តខ្លួនឯង។ ចំណែកឯបទ«If I Die»របស់លោកវណ្ណដាត្រូវបានចេញផ្សាយបន្ទាប់ដែលជាប្រភេទបទរ៉េបមនោសញ្ចេតនាជ្រាលជ្រៅត្រូវបានចេញផ្សាយនៅថ្ងៃទី២២ ខែមករា ឆ្នាំ២០២១កន្លងមកនេះ។ 

បទ«Sorry if I Die» របស់ក្រុម EMT Music បានធ្វើអោយមហាជនពេញចិត្តជាពិសេសទៅលើបទចម្រៀងមួយនេះរបស់ពួកគេ មិនថាទៅលើទំនុកច្រៀង បទភ្លេង និងMoodនៃបទចម្រៀងប៉ុណ្ណោះទេ ថ្វីបើពួកគេមិនសូវបង្ហាញភាពសកម្មនៅក្នុងការងារសិល្បៈ។ ម្យ៉ាងវិញទៀតផងដែរបទចម្រៀងមួយនេះក៏ទទួលបានចំណាប់អារម្មណ៍ច្រើនជាងគេបង្អស់នាំមុខបទចម្រៀងលេចធ្លោមួយបទទៀតរបស់លោកដែលមានចំណងជើងថា«កញ្ញាធ្មេញដែក»។ យ៉ាងណាមិញផងដែរបទចម្រៀង«If I Die» ទាំង៣បទនេះពីលោក​​​ VannDa, G-Devith និង EMT Music សុទ្ធតែបានផ្តល់រសជាតិ និងអត្ថន័យខុសៗប្លែកពីគ្នាដល់អារម្មណ៍អ្នកស្តាប់។ ចុះសំរាប់ទស្សនិកជនទាំងអស់គ្នាស្តាប់បទមួយណាដែលចាក់ដោតអារម្មណ៍របស់អ្នកខ្លាំងជាងគេបង្អស់? Let me know in your comment below!