ក្រោយពីចេញផ្សាយជាផ្លូវការកាលពីថ្ងៃ ១០ ខែមិថុនា ឆ្នាំ ២០២២មក ពេលនេះ បទ “រសជាតិយ៉ាងម៉េច” របស់លោក វណ្ណដា មានចំនួនអ្នកចូលទៅស្តាប់កើនឡើងដល់ ១ M និង ជាង៤ពាន់ខំមិន រួចទៅហើយនៅលើ YouTube។ ថ្វីត្បិតតែលោកវណ្ណដា ជាបង្អែមក៏មែន តែជាបង្អែមដែលគ្រប់គ្នាចូលចិត្ត ពីព្រោះថាគ្រប់បទចម្រៀងទាំងអស់សុទ្ធសឹងតែជាបទសម្រឹតសម្រាំងជាមួយទឹកដៃដ៏ល្អឥតខ្ចោះនៃការតែងនិពន្ធ និងការផលិតបទភ្លេងផងដែរ។ លើកនេះ The King is Slaying Again ជាមួយ នឹងបទចម្រៀងមនោសញ្ចេតនារបស់ខ្លួន ដែលបានជាប់នៅក្នុងតារាង Spotify របស់ប្រទេសជាច្រើននៅក្នុងតំបន់អាស៊ីអគ្នេយ៍ ដូចជា នៅក្នុងប្រទេស សាំងហ្គាពួរ (Spotify New Music Friday Singapore Playlist) ដែលបានជាប់ចំណាត់ថ្នាក់នៅក្នុងលេខរៀងទីបី នៅក្នុងប្រទេសថៃ វៀតណាម ម៉ាឡេស៊ីជាប់ ហ្វីលីពីន និងឥណ្ឌូណេស៊ីជាប់ផងដែរ។

ចំណែកឯនៅក្នុងប្រទេសកម្ពុជាវិញ​​ តាមរយៈកម្មវិធី Apple Music How’s It Taste របស់លោក វណ្ណដា គឺឋិតនៅចំណាត់លេខមួយ កំពូលតារាងតែម្តង នៅក្នុងចំណោម Top 100 ដែលតាមពីក្រោយដោយបទ “Angel Baby” របស់តារាចំរៀង Troye Sivan។ ទោះបីជាយ៉ាងណាក៏ដោយ នេះគឺជាបទទីពីររបស់លោកហើយដែលបានជាប់នៅក្នុងតារាង Music Playlists ប្រចំាប្រទេសនៅក្នុងតំបន់។ 

អត្ថបដោយ គុយដង់