ទស្សនិកជនប្រហែលជាបានដឹងខ្លះៗមកហើយថាកាលពីថ្ងៃទី០៩ ខែតុលាកន្លងទៅថ្មីៗនេះ លោកហេងវិសាល និងកញ្ញាស្រីនាបានធ្វើអោយផ្ទុះពត័មានកក្រើកនៅលើបណ្តាញសង្គម ដោយពួកគេមិនបានបង្ហាញទំនាក់ទំនងនោះពីមុនមកទេ។ ក្រោយពេលបញ្ចប់កម្មវិធីថ្មីៗ ស្រីនាបានធ្វើការ Add Story នៅលើបណ្តាញសង្គម Instagram រ​​​បស់នាងថានាងនឹងមានការបកស្រាយច្រើនអំពីទំនាក់ទំនងមួយនេះ ដែលពួកគេបានលាក់ពីទស្សនិកជនអស់ប្រហែលជា២ឆ្នាំ៣ឆ្នាំជាងនេះហើយ។ កន្លងមកធ្លាប់តែឃើញពួកគេទាំងពីរមានសកម្មភាពថតរឿងស្និទ្ធស្នាលនឹងគ្នាដូចជារឿង «ទេពច្យុតរបស់ខ្ញុំ» និងរឿង«សិស្សអាយុ២៧ឆ្នាំ»ជាដើម ទើបធ្វើអោយមហាជនមានការភន្ត័ច្រលំជាច្រើនថាដំបូងឡើយសកម្មភាពរបស់ពួកគេអាចត្រឹមជាការសម្តែង MV ប៉ុណ្ណោះ។ 

គួររំលឹកផងដែរ នៅព្រឹកបន្ទាប់នៅថ្ងៃទី១០ ខែតុលា លោកហេងវិសាលក៏បានបង្ហោះសារនៅលើផេកហ្វេសប៊ុកផ្លូវការរបស់លោកអះអាងថា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​លោកសូមអរគុណចំពោះអ្នកគាំទ្រទាំងអស់ដែលស្រលាញ់គាំទ្រចូលចិត្តពួកគេទាំងពីរនាក់ ហើយក៏សូមអោយគ្រប់គ្នាទទួលបានភាពកក់ក្តៅត្រលប់ទៅវិញដូចដែលអ្នកទាំងអស់គ្នាបានផ្តល់មកកាន់ពួកគេទាំងពីរ។ គួរបញ្ជាក់ផងដែរព្រឹត្តិការណ៍ទាំងមូលគឺដំណើរការទៅយ៉ាងឆាប់រហ័ស ទស្សនិកជនជាច្រើនមានការចាប់ផ្តើមកត់សម្គាល់តាំងពីស្រីនា និងហេងវិសាលបង្ហោះវីឌីអូVlogមួយថា ចៃដន្យមែនទែន កូនខ្មែរពីររូបជួបគ្នានៅកន្លែងលក់ចិញ្ចៀន ដែលធ្វើអោយមានការចែករំលែកបន្តគ្នាជាច្រើន រហូតដល់មានការបែកធ្លាយរូបថតជាច្រើនសន្លឹកពីការរៀបចំនៅក្នុងកម្មវិធីភ្ជាប់ពាក្យមួួយនោះនៅក្នុងបណ្តាញសង្គមដោយមានរំលេចឈ្មោះកូនប្រុសកូនស្រីច្បាស់ៗ ទើបធ្វើអោយមហាជនអ្នកលេងលើបណ្តាញសង្គមផ្អើលឆោឡោពីដំណឹងពួកគេទាំងពីរនាក់ភ្ជាប់ពាក្យនឹងគ្នាស្ងាត់ៗ។ 

នៅថ្ងៃនៃកម្មវិធីផងដែរ លោកហេងវិសាលក៏បានបង្ហោះ Status ផងដែរបញ្ជាក់ប្រាប់ទស្សនិកជនថាពួកគេមិនបានថតសម្តែង MV រឺកម្មវិធីមួយណាទេ ពួកគេទាំងពីរគឺមែនទែនតែម្តង។ ដំណឹងនេះទាក់ទាញអោយអ្នកលេងបណ្តាញសង្គមនាំគ្នាកាត់តធ្វើវីឌីអូចម្រៀងអោយពួកគេទាំងពីរហើយចែករំលែកនៅលើបណ្តាញសង្គមជាហូរហែ និងមានការបង្ហោះ Troll លេងចុះឡើងផងដែរទាក់ទងនឹងរឿងរ៉ាវអ្នកទាំងពីរ។ ចំពោះមិត្តសិល្បករក៏ដូចជាInfluencerដទៃទៀតដែលបានអញ្ជើញចូលរួមនៅក្នុងកម្មវិធីរបស់អ្នកទាំងពីរក៏បានធ្វើការបង្ហោះចូលរួមត្រេកអរចំពោះអ្នកទាំងពីរយ៉ាងអ៊ឹកធឹកអ៊ឺធមផងដែរ​​​ ដែលនៅក្នុងនោះមានដូចជា Chacha, លោកជីដេវីត, លោកSeak, កញ្ញា​​​Mina, ពូជ្រួញ, ប៊ុនឡេង, សមាជិកក្រុមVeeza មានដូចជា Linda_Vee, Jasmine_Vee, Naro_Vee, Bola_Veeជាដើម។ ក្រៅពីនេះផងដែរទស្សនិកជនជាច្រើនក៏បានធ្វើការផ្គូរផ្គង Influencer មួយចំនួនជាមួយគ្នាផងដែរ ដូចជាលោក Seak ជាមួយ Mina, Linda_Vee ជាមួយNaro_Vee និងមួយគូទៀតមកចូលរួមជា Coupleតែម្តងគឺលោក Bola_Vee ជាមួយកញ្ញា Etozaa។