បទកញ្ញាLVរបស់លោកហេងដែលបានចេញផ្សាយកាលពីថ្ងៃទី០៦ ខែកញ្ញាត្រូវបានជាប់ចំណាត់ថ្នាក់លេខបីក្នុងបញ្ជីបទល្បីទាំង៥០បទពីPlengរបស់ Smart មិនបានប៉ុន្មានផង លោកហេងក៏ប្រកាសថានឹងចេញបទចំរៀងថ្មីបន្ទាប់ទៀត។ មិនតែប៉ុណ្ណោះលោកបានបញ្ចេញTeaserជាមួយរូបភាពឡានមួយគ្រឿងម៉ាកRolls-royយ៉ាងគួរអោយចាប់អារម្មណ៍ ដែលវាមានទំនាក់ទំនងនឹងបទចំរៀងថ្មីរបស់លោកមានចំណងជើងថា«អភិជន»។ យ៉ាងណាមិញលោកក៏បានបញ្ជាក់ថ្ងៃបរិច្ឆេទចេញនៅក្នុងពេលខាងមុខផងដែរ ដែលស្ថិតនៅក្នុងដើមខែតុលានេះ នៅថ្ងៃទី១តែម្តង ដោយលោកក៏បានគួរបញ្ជាក់ផងដែរថាប្រសិនបើបទកញ្ញា LV របស់លោកទទួលបាន១លានView នោះលោកនឹងសំរេចចិត្តទំលាក់បទថ្មីក្នុងពេលឆាប់ៗ។

គួរបញ្ជាក់ផងដែរនៅក្នុងអាល់ប៊ុមថ្មីដែលលោកហេងមានគំរោងនឹង Release នេះមានទាំងអស់ចំនួន១៥បទ ព្រមទាំងមានការរួមសហការបទចំរៀងខ្លះពីលោកពូឃ្លាំង និងឌីជេស្តី ដែលបទចំរៀងទាំងអស់នេះស្ថិតក្រោមការគ្រប់គ្រងរបស់ WassGood Music និងគាំទ្រឡើងដោយBallentine’s និងPleng។ សំរាប់បទចំរៀង«អភិជន»ដែលនឹងចេញបន្ទាប់ខាងមុខនេះ គឺលោកហេងមានបំណងធ្វើឡើងសំរាប់ទាំងអ្នកគាំទ្ររបស់លោកផង រួមទាំងបណ្តាអ្នក Anti-Fanរបស់លោកបានស្តាប់នឹងស្គាល់អំពីការតស៊ូទម្រាំលោកទទួលបានការគាំទ្ររហូតមកដល់សព្វថ្ងៃនេះផងដែរ។ ចង់ដឹងថាMVទាំងមូលមានរសជាតិយ៉ាងណាទៅមានតែត្រូវរង់ចាំទស្សនាទាំងអស់គ្នា!