ថ្វីបើបទចម្រៀងហ៊ីបហប់តែងតែមានចង្វាក់ញាប់រន្ថើន តែលោកហេងបានកែប្រែចង្វាក់នៃបទចម្រៀងហ៊ីបហប់របស់លោកមួយបទនេះទៅជាលក្ខណៈបែប SlowSlow និងច្រៀងបង្កប់នូវមនោសញ្ចេតនានិងសារអត្ថន័យជ្រាលជ្រៅយ៉ាងខ្លាំងដែលបានធ្វើអោយអ្នកស្តាប់ហើយហាក់ដូចជាទទួលបានថាមពលក្នុងខ្លួន។ តាមរយៈបទចំរៀងថ្មីរបស់លោកហេងមួយនេះ លោកបានច្រៀងរៀបរាប់ពីអារម្មណ៍មនោសញ្ចេតនាពិតៗរបស់លោក និងខ្សែជីវិតផ្ទាល់របស់លោកខ្លួនឯង ដែលបានប្រឹងប្រែងលើកទឹកចិត្តខ្លួនឯង មោទនភាពចំពោះខ្លួនឯង និងព្យាយាមជំនះរាល់ឧបសគ្គក្នុងជីវិត។ 

គួរបញ្ជាក់ផងដែរលោកហេងបានទំលាក់ MV បទចម្រៀងមួយនេះផងដែរពីក្នុងអាល់ប៊ុម LOOKDADIMADEIT នៃកងព័ន្ធទី១របស់ខ្លួន ដោយមានចំណងជើងថា "NO PAIN NO HENG" កាលពីថ្ងៃទី៣១ ខែតុលា ឆ្នាំ២០២២កន្លងទៅនេះនៅលើទំព័រហ្វេសប៊ុកនិងឆាណែលយូធូបផ្លូវការរបស់លោក។ លោកហេងបានលាតត្រដាងអារម្មណ៍ពិតៗរបស់ខ្លួនដែលបានធ្វើអោយអ្នកស្តាប់ទាំងឡាយ feel related ជាមួយលោកដែរ ក៏ដូចគ្នាផងដែរនឹងចង់លើកទឹកចិត្តខ្លួន និងប្រឹងប្រែងដើរទៅមុខបន្តទៀត។ កត់សម្គាល់ឃើញថាលោកហេងធ្លាប់បានចែករំលែកការយល់ឃើញរបស់លោកទៅលើតន្រ្តីហ៊ីបហប់នៅកម្ពុជាកន្លងមកថា លោកមានបំណងនិងឆន្ទុះមោះមុតចង់ផ្សព្វផ្សាយមតិ និងចំណេះដឹងរបស់លោកទៅលើនិយមន័យនៃតន្រ្តី Hip Hop ដែលមនុស្សមួយចំនួនស្គាល់តែអ្វីដែលហៅថាការរ៉េប តែមិនយល់ពីអ្វីដែលហៅថា Hip Hop ទេ។