តារ៉េបវ័យក្មេងមកពី Wass Good Music ដែលបានផលិតនូវបទចម្រៀងល្បីៗសម្រាប់មិត្តយុវវ័យមួយចំនួនដូចជា​ ឧបមាថា ទេពធីតា និងបទចុងក្រោយថ្មីបំផុតគឺបទតាបែឡែ។ កាលពីថ្មីៗនេះ!លោកក៏បានប្រកាសជូនដំណឹងដល់មហាជននិងជាពិសេសអ្នកគាំទ្ររូបលោកថា លោកនឹងមានគម្រោងបញ្ចេញចម្រៀងថ្មីៗជាច្រើននៅក្នុងខែកញ្ញានេះ។ ជាក់ស្តែងកាលពីថ្ងៃទី០១ ខែកញ្ញា ឆ្នាំ២០២២​នេះ រាល់គ្រប់បណ្តាញសង្គមនិងឆាណែលយូធូបរបស់លោកហេង បានបញ្ចេញនូវ Teaser ខ្លីមួយអំពីការបទចម្រៀងថ្មីរបស់លោក ដែលមានចំណងជើងថា កញ្ញា LV ។

តាមរយៈTeaserថ្មីនេះមិនត្រឹមតែបានពាំនាំនូវរសជាតិនៃការផលិតបទចម្រៀងរបស់លោកទេ តែក៏បានបង្ហាញនូវភាពក្រមិចក្រមើម និងសំណើចដែលមិនចេះរីញស្ងួតរបស់លោកចែកជូនអ្នកទស្សនាផងដែរ។ យ៉ាងណាមិញលោកហេងក៏បានធ្លាប់បង្ហើបបទចម្រៀងនេះខ្លះៗរួចមកហើយតាមរយៈបណ្តាញសង្គមតិកតុកនិងមានមិត្តយុវវ័យជាច្រើនបានធ្វើត្រាប់តាមកាយវិការនៃបទចម្រៀងនេះផងដែរ។ចង់ដឹងថាបទចម្រៀងថ្មីនេះនឹងមានអ្វីប្លែកចម្លែកអារម្មណ៏ខ្លះកុំភ្លេចរង់ចាំតាមដានទស្សនានៅថ្ងៃទី០៦​ខាងមុខនេះ។