អាល់ប៊ុម LOOKDADIMADEIT របស់លោកហេងទើបតែបានចេញផ្សាយចំនួន២បទថ្មីៗបន្ថែមទៀតប៉ុណ្ណោះក្នុងចំណោមបទចម្រៀងនៃកងព័ន្ធទី១ដែលមានសរុបទាំងអស់១៨បទ តែសន្ទុះនៃការគាំទ្រនៃបទនីមួយៗឃើញថាមិនធម្មតានោះទេ។ អ្វីដែលកាន់តែពិសេសទៅទៀតនោះ ឃើញថាអាល់ប៊ុមបទចម្រៀងមួយនេះរបស់លោកពិតជាមានអត្ថន័យជ្រាលជ្រៅមែនទែន ព្រោះលោកបានចូលរួមសហការថតជាមួយឪពុករបស់លោកផ្ទាល់ និងមិត្តសិល្បករជាច្រើននាក់របស់លោកទៀត រួមទាំងមិត្តស្រីរបស់លោកកញ្ញា Sunflowerផងដែរ។ ជាក់ស្តែងពីរបទចេញផ្សាយកន្លងទៅថ្មីៗនេះ ដែលមានបទ«កញ្ញា LV» និងបទ«អភិជន» មានការចូលរួមសម្តែងដោយតួអង្គជាច្រើនដូចជាលោកពូ Dj Sdey, លោក Raven Blaze, លោក The Homie, លោកMolly_Cole, លោកNea, លោក8GK, លោកRan, លោកYoung_Mike,កញ្ញា Sunflower និងមិត្តសិល្បករដទៃទៀត។ សំរាប់បទចម្រៀងចេញបន្តបន្ទាប់ទៀតនេះ នឹងមានតួអង្គចូលរួមច្រៀងនិងសម្តែងផ្សេងៗទៀតផងដែរដូចជាលោកពូឃ្លាំង និងលោក Mollyជាដើម។ យ៉ាងណាមិញផងដែរលោកហេងក៏បានធ្វើការបង្ហើបខ្លះៗនូវឈ្មោះអាល់ប៊ុមបទចម្រៀងរបស់លោកនៅថ្ងៃទី១០និងទី១១ ខែតុលានេះផងដែរនៅលើ Status Facebookរបស់លោក ដោយបានបញ្ចេញឈ្មោះបទចម្រៀងនៅសល់ទាំងអស់ដូចជាបទ NO PAIN NO HENG , ជំរុំពាក្យជួន,​​​ ADOBE, PAPA, MAJU(Ft. Pou Klaing), Smoke here(Ft. Molly), BROS KALIP(Ft. Dj Sdey), និងបទ EVERYDAY(20Years.Ver)។​​​ សំរាប់ចម្រៀងកងព័ន្ធទី១នេះ លោកហេងគ្រោងនឹងចេញផ្សាយជាផ្លូវការនៅថ្ងៃទី១៤ ខែតុលាខាងមុខនេះហើយនៅលើ Pleng App ចំនែកនៅលើយូធូបវិញនឹងត្រូវចេញផ្សាយនៅក្នុងថ្ងៃទី១៨ ខែតុលាខាងមុខនេះផងដែរ។ នេះត្រឹមជាខ្លះៗប៉ុណ្ណោះទាក់ទងនឹងអាល់ប៊ុមLOOKDADIMADEIT របស់លោកហេង ទស្សនិកជនក៏អាចទៅជួបនឹងលោកហេងផ្ទាល់នៅក្នុងការសម្តែងពិសេសរបស់លោកនៅក្នុងកម្មវិធី iGoPleng ដែលមានទីតាំងនៅ OCIC អាគារ D នៅថ្ងៃទី២២ ខែតុលា ខាងមុខនេះ។