នៅដើមខែតុលានាថ្ងៃទី០១នេះ លោកហេងបានបញ្ចេញបទថ្មីរបស់លោកចំណងជើងថា ”អភិជន” នៅលើបណ្តាញសង្គមហ្វេសប៊ុក និងយូធូបឆាណែលរបស់លោកដែលមានឈ្មោះថា HENG។ ​​​​​​​​​​​​​​​​​​​​​​​​​​​​​សង្កេតឃើញថាបទចម្រៀងមួយនេះរបស់លោកហេងទទួលបានការចាប់អារម្មណ៍ជាច្រើនជាក់ស្តែងមានអ្នកចូលទស្សនាបទចម្រៀងអភិជននេះរហូតដល់ទៅប្រមាណ១១ម៉ឺននាក់ជាង និងអ្នកចុចឡាចប្រមាណ១ម៉ឺននាក់នៅលើយូធូប។ គួរបញ្ជាក់ផងដែរបទចម្រៀងមួយនេះដែរស្ថិតនៅក្នុងអាល់ប៊ុម LOOKDADIMADEIT ដោយមានការចូលរួមសម្តែងពីឪពុករបស់លោកផ្ទាល់គឺលោកDj Sdey រួមទាំងបណ្តាមិត្តភក្តិរាប់អានក្នុងរង្វង់វិស័យសិល្បៈរបស់លោកជាច្រើនរូបដូចជាលោក Ravenblaze,Molly_Cole,Nea, 8GK, Ran, និងYoung_Mike ដែលពួកគេទាំងអស់គ្នាត្រូវបានដើរតួជាពពួកអភិជននៅក្នុងបទចម្រៀងផងដែរ។ លោក Heng ក៏បានធ្វើការ Mention ក្រុមហ៊ុនឡាន LM Car នៅក្នុងខេបសិនរបស់លោកផងដែរ ដោយលោកបាននិយាយថា«ចេញពី Rolls Royce អត់មានកន្លែងចតព្រោះ LM Car ជូនមក» អាចថាមកពីដៃគូសហការផលិតរបស់លោកជាក្រុមហ៊ុនរថយន្តនេះហើយទើបនៅក្នុង MV របស់លោកមានខនសេបបង្ហាញឈុតឆាកប្រើប្រាស់រថយន្តទំនើបដែលសក្តិសមទៅនឹងសាច់រឿងនៃបទចម្រៀងអភិជន។ គួរបញ្ជាក់ផងដែរ សំរាប់បទ«អភិជន»របស់លោកហេងនេះផងដែរគឺជាបទហ៊ីបហប់មួយដែលមិនចោលរសជាតិឌឺដងនោះទេ ដែលធ្វើអោយលោកកាន់តែកាច និងមានអានុភាពខ្លាំងក្លា ខុសពីបទមុនៗរបស់លោកដែលមានរសជាតិបែបកំប្លែង និងសប្បាយៗ។