ក្រោយពីបទចំរៀង«អភិជន»របស់លោកហេងបានធ្វើអោយមហាជនមានការចាប់អារម្មណ៍ និងលើកមកនិយាយវែកញែកជាច្រើននៅលើបណ្តាញសង្គម ដោយមានមនុស្សមួយចំនួនយល់ឃើញថាបទមួយនេះរបស់លោកទាំងMelody ទាំង Lyric ទាំង MV មានភាពស្រដៀងគ្នាយ៉ាងខ្លាំងទៅបទចម្រៀងរបស់រុស្ស៊ីដែលបានចេញផ្សាយកាលពីឆ្នាំ២០២០ ដោយមានចំណងជើងថា« RollsRoyce» ក៏មានមនុស្សមួយចំនួនទៀតដែលយល់ស៊ីជំរៅលើផ្នែកតន្រ្តីបានបង្ហាញការវិភាគរបស់ខ្លួនទៅលើបទចម្រៀងមួយនេះថាថ្វីបើបទនេះរបស់លោកហេងមានការ Inspire ពីបទចម្រៀង«Roll Royce»របស់តារារ៉េបរុស្ស៊ីក៏ពិតមែន ប៉ុន្តែវាមិនមែនជាការថតចម្លងទេ ដោយពិនិត្យមើលទៅលើ Melody Chord នៃបទទាំងពីរនេះគឺមិនមានភាពដូចគ្នាទេ អាចនិយាយបានថាលោកហេងបានប្រើ Loop ពីបទចម្រៀងតែមួយតែលោកបានកែច្នៃតុងចម្រៀងអោយស៊ីនឹងសំលេង និង Mix&Master បទចម្រៀងនេះដោយខ្លួនឯង។ 

ទាក់ទងនឹងមតិវែកញែកជាច្រើននេះ លោកហេងក៏បញ្ចប់បញ្ហាដោយលោកបានធ្វើការបកស្រាយការពិតមកកាន់សារពត៌មាន REDEntertainment ថាលោកបានបញ្ជាក់ប្រាប់ថាជាការពិតទៅលោកត្រឹមជាក្មេងម្នាក់ប្រឡូកក្នុងវិស័យតន្រ្តីដែលចាប់ផ្តើមពីចំនុចសូន្យទៅលេខមួយប៉ុណ្ណោះ ដោយលោកចាប់ផ្តើមមានការ Inspire ពីបទចម្រៀងជាច្រើននៅលើបណ្តាប្រទេសនានា ហើយចំពោះបទ«អភិជន»ផងដែរ លោកពិតជាមានការ Inspire ពីបទចម្រៀង«Roll Royce» របស់តារារ៉េបរុស្ស៊ីក៏ពិតមែន តែលោកក៏បានច្នៃវាមកដាក់ក្នុងអាល់ប៊ុម LOOKDADIMADEIT របស់ខ្លួនដើម្បីស្វែងរកខ្លួនឯងអោយឃើញ និងបង្កើ់តអ្វីជាលោកខ្លួនឯងផ្ទាល់សំរាប់នៅក្នុងអាល់ប៊ុមដំបូងរបស់លោកមួយនេះ ទាំងសាច់រឿងបទចំរៀងក៏សុទ្ធសឹងរៀបរាប់ពីជីវិតរបស់លោក រីឯ Verse នីមួយៗវិញក៏លោកបានធ្វើវាដោយខ្លួនឯងដោយមិនមានភាពដូចគ្នានឹងបទចម្រៀងដើមឡើយ។ ចំពោះ MV បទចម្រៀងទៀតសោត តាមពិតទៅលោកនិង Team របស់លោកបានធ្វើវាឡើងដោយផ្អែកទៅតាម Lyric នៃបទចម្រៀងនោះទេ។ លោកហេងបានបង្ហាញអារម្មណ៍ទៀតថាលោកពិតជាព្រមទទួលយកមតិមហាជនទាំងអស់ និងសូមអភ័យទោស ក៏ដូចជានឹងខិតខំរៀនសូត្រពីកំហុសនេះឡើងវិញ ហើយលោកក៏មានអារម្មណ៍សប្បាយរីករាយផងដែរពេលឃើញប្រតិកម្មរបស់អ្នកស្តាប់តន្រ្តីសព្វថ្ងៃដែលពួកគេអាចស្គាល់បទចម្រៀងយ៉ាងទូលំទូលាយនៅលើសកលលោករហូតអាចស្វែងរកបទចម្រៀងដែលស្រដៀងទៅនឹងបទនេះឃើញ។