កាលពីថ្ងៃទី១៣ ខែមេសាកន្លងទៅនេះ លោកហេងនៃក្រុម WassGood Music បានធ្វើការទំលាក់បទចំរៀងថ្មីក្នុងឳកាសពិធីបុណ្យចូលឆ្នាំប្រពៃណីជាតិខ្មែរក្រោមចំណងជើងថា«រនាតស្នេហ៍» នៅលើហ្វេសប៊ុកផេក និងឆាណែលយូធូបផ្លូវការរបស់លោកផ្ទាល់។ តាមរយៈបទចម្រៀងនេះផងដែរត្រូវបាននិពន្ធតាក់តែងឡើងដោយលោកហេងផ្ទាល់ ដោយមានការ Sponsorផលិតឡើងដោយក្រុមហ៊ុនស្រាវីស្គី Ballantine’s។ គួរបញ្ជាក់ផងដែរថានៅក្នុងថ្ងៃចេញផ្សាយនៃបទចម្រៀង លោកហេងបានភ្ជាប់ជាមួយសារជូនពរឆ្នាំថ្មីអមនឹងវិដេអូចំរៀងរបស់លោកឡើងថា «ឆ្នាំនេះសុំតែ១បទទេបងប្អូន!! ប្រសិទ្ធពរជ័យចូលឆ្នាំថ្មីទាំងអស់គ្នា»។ 

កត់ មួយសប្តាហ៍ប៉ុណ្ណោះ បទចម្រៀង«រនាតស្នេហ៍»របស់លោកហេងទទួលបានការចូលទស្សនារហូតដល់ជាង៩ម៉ឺនដងហើយនៅលើយូធូប និងទទួលបានមតិគាំទ្រចូលចិត្តបទចម្រៀងរបស់លោកជាច្រើន។ ចំណែកកាលពីពេលថ្មីៗនេះផងដែរ លោកហេងក៏បានចូលរួម Collab ជាមួយនឹងម្ចាស់បទចម្រៀងដ៏ល្បីកាលពីឆ្នាំ២០១៧«រាត្រីពេញវង់នៅឆ្នេរសមុទ្រ»គឺលោក អូន ផងដែរ នៅលើបទចម្រៀងថ្មីរបស់ពួកគេដែលមានចំណងជើងថា«ខូចចិត្តចង់ផឹក» ដែលត្រូវបានចេញផ្សាយនៅមុនបទចម្រៀងរបស់លោកហេងមុននេះបន្តិច។ ម្យ៉ាងវិញទៀតផងដែរ គួរអោយកត់សម្គាល់ឃើញថា នៅក្នុងពេលថ្មីៗនេះ លោកហេងក៏បានចូលរួមនៅក្នុងព្រឹត្តិការណ៍សំខាន់ៗមួយចំនួនដូចជាកម្មវិធី Ballentine’s Day, ការប្រគំតន្រ្តីរបស់ស្រាបៀហនុមាន និងកម្មវិធីអំណានលឺៗរបស់អង្គការ World Vision ជាដើម។ ចុះទស្សនិកជនវិញមានចំណាប់អារម្មណ៍បែបណាខ្លះចំពោះបទថ្មីរបស់លោកហេង?