Harry Styles ត្រូវបានគេរាយការណ៍ថា បានចូលរួមជាមួយ MCU ក្នុងនាមជា Eros ដែលជាបងប្រុសរបស់ Thanos នៅក្នុងរឿង "Eternals" ។
ម្ចាស់បទ “Watermelon Sugar” គឺជាការបន្ថែមភាពភ្ញាក់ផ្អើលថែមទៀតដល់ម្ចាស់កម្មសិទ្ធិរឿងនេះ និងទស្សនិកជន ដែលបានទស្សនាខ្សែភាពយន្តនេះលើកដំបូង ព្រោះបានប្រទះឃើញគាត់នៅក្នុងឈុតខ្លីមួយ បន្ទាប់ពីរឿងនេះបានចាក់បញ្ចាំងនៅឯមហោស្រព El Capitan នៅហូលីវូដនៅសប្តាហ៍មុន។
អ្នកនិពន្ធដែលពោរពេញទៅដោយភាពសម្បូរបែប លោក Matt Donnelly បាន tweeted ថា “ការបង្ហាញដ៏ធំពីការចាក់បញ្ចាំងលើកដំបូងរបស់ #EEternals” "Harry Styles បានចូលរួមជាមួយ MCU ក្នុងនាមជា Eros ដែលជាបងប្រុសរបស់ Thanos" ។
យោងតាម Marvel តួអង្គ Eros អាចគ្រប់គ្រងផ្លូវចិត្ត និងអារម្មណ៍រីករាយរបស់មនុស្សបាន។
លោក Harry Styles បច្ចុប្បន្នកំពុងស្ថិតនៅក្នុងការប្រគុំតន្ត្រីជាដំណើរទេសចរណ៍ “Love on Tour” របស់គាត់ នឹងបានចូលរួមសម្តែងនៅក្នុងរឿង “Don't Worry Darling” របស់ Olivia Wilde ដែលគ្រោងនឹងចេញនៅឆ្នាំ ២០២២ ផងដែរ។
"Eternals" បានដឹកនាំសម្តែងដោយកញ្ញា Chloé Zhao។ ខ្សែភាពយន្តនេះក៏មានការចូលរួមសម្តែងដោយ Gemma Chan, Kumail Nanjiani, Salma Hayek និង Angelina Jolie ផងដែរ។
ខ្សែភាពយន្តនេះគ្រោងនឹងចេញនៅថ្ងៃទី ៥ ខែវិច្ឆិកាខាងមុននេះ៕
អត្តបទដកស្រង់ពី Marianne Garvey
បកប្រែនិងកែសម្រួលដោយ លោក គីមម៉េង