BBC-

វរសេនីយ៍ឯក Mamady Doumbouya បានស្បថចូលកាន់តំណែងជាប្រធានាធិបតីស្តីទី Guinea  បន្ទាប់ពីបានដឹកនាធ្វើរដ្ឋប្រហាររមួយ ផ្តួលរំលំលោកប្រធានាធិបតី Alpha Conde ។អតីតនាយទាហ៊ានដែលបានទៅសិក្សារនៅសាលាយោធាក្នុងប្រទេសបារាំង អាយុ ៤១ឆ្នាំ បានក្លាយទៅជាមេដឹកនាំអាហ្វ្រិកដែលមានវ័យក្មេងជាងគេទី២ បន្ទាប់ពី លោកAssim Goita នៃប្រទេស ម៉ាលី អាយុ ៣៨ឆ្នាំ ដែលបានធ្វើរដ្ឋប្រហារយោធាផងដែរកាលពីឆ្នាំ ២០២០។  លោកវរសេនីយ៍ឯក Doumbouya ត្រូវបានហាមឃាត់មិនឲ្យប្រកួតប្រជែងការបោះឆ្នោតនាពេលអនាគត នៅក្នុងផែនការដើម្បីរៀបចំការបោះឆ្នោតឲ្យមានរដ្ឋាភិបាលស៊ីវិលគ្រប់គ្រងប្រទេសវិញ ដែលបានប្រកាសនៅក្នុងសប្តាហ៍នេះ។

រដ្ឋប្រហារកាលពីថ្ងៃទី៥កញ្ញាកន្លងទៅ ត្រូវបានទួលនូវការថ្កោលទោសគ្រប់ទិសទី។ទាំងអង្គការអាហ្វ្រិកខាងលិច ECOWAS ហើយនិងសហគមន៍អាហ្វ្រិកបានថ្កោលទោសនិងព្យួរសមាជិកភាពរបស់ Guinea ។

យោងទៅតាម ទីភ្នាក់ងារសារព័ព៌មានបារាំង (AFP) បានដកស្រង់សំដីលោកប្រធានាធិបតីថ្មី Doumbouya ដែលបានថ្លែងនៅក្នុងវិមាន Mohammad V នាទីក្រុង  Conakry ថា” បេសកកម្មរបស់ខ្ញុំគឺ បង្កើតឡើងវិញនូវរដ្ឋមួយ ដោយសរសេររដ្ឋធម្មនុញ្ញថ្មី ,បំបាត់អំពើពុករលួយ ,ផ្លាស់ប្តូរប្រព័ន្ធបោះឆ្នោត ព្រមទាំងរៀបចំឲ្យមានការបោះឆ្នោតមួយ ដែលសេរី គួរឲ្យជឿទុកចិត្ត និងប្រកបដោយតម្លាភាព។ លោកបានសន្យាផងដែរថា នឹងគោរពរាល់ការ ប្តេជ្ញារចិត្តចំពោះជាតិនិងអន្តរជាតិដែលប្រទេសនេះបានសន្យា។ មេដឹកនាំយោធារូបនេះមិនបានកំណត់ឲ្យជាក់លាក់ថាតើពេលណា ទើបការបោះឆ្នោតមួយនឹងប្រារព្វធ្វើឡើង ប៉ុន្តែបាននិយាយថា អ្នកដែលបានចូលរួមនៅក្នុងរដ្ឋាភិបាលបណ្តោះអាសន្ន ដែលមាននាយករដ្ឋមន្រ្តីជាស៊ីវិលផងដែរនោះ និងត្រូវហាមឃាត់មិនឲ្យចូលរួមក្នុងការបោះឆ្នោតឡើយ។

មេដឹកនាំយោធារដ្ឋប្រហារ បានឃុំឃាំង លោក Conde អាយុ ៨៣ឆ្នាំ បន្ទាប់ពីចាប់យកអំណាច បានធានាជាមួយនឹងកាសែតបារាំងថា លោកនៅជាមួយលោកConde នៅទីកន្លែងដែលមានសុវត្តិភាព ដោយមិនបានបញ្ជាក់ថាកំពុងស្ថិតនៅទីណានោះទេ។