អ្នករៀបចំបាននិយាយថា កម្មវិធីប្រគល់ពានរង្វាន់ Grammy ប្រចាំឆ្នាំលើកទី 64 ដែលនឹងត្រូវប្រារព្ធឡើងនៅសហរដ្ឋអាមេរិកនៅចុងខែនេះ ត្រូវបានពន្យារពេលដោយសារតែមេរោគឆ្លងកូវីត-19។ ភាពមិនប្រាកដប្រជាជុំវិញជំងឺបំប្លែងថ្មីអូមីក្រុង មានន័យថាការបន្តទៅមុខ "គ្រាន់តែមានហានិភ័យច្រើនពេកប៉ុណ្ណោះ" នេះបើយោងតាមសេចក្តីថ្លែងការណ៍ពី Recording Academy និង CBS ។ ព្រឹត្តិការណ៍ ដែលត្រូវបានគេចាត់ទុកថាជាព្រឹត្តិការណ៍តន្ត្រីក្នុងពេលរាត្រីដ៏ធំបំផុតត្រូវបានគេគ្រោង នឹងធ្វើនៅថ្ងៃទី 31 ខែ មករា ក្នុងទីក្រុង Los Angeles ។

អ្នករៀបចំបាននិយាយថា វានឹងកើតឡើងនៅថ្ងៃអនាគតដែលនឹងប្រកាសក្នុងពេលឆាប់ៗនេះ។ ពួកគេបានបន្ថែមថា សុខភាព និងសុវត្ថិភាពនៃសហគមន៍តន្ត្រី អ្នកទស្សនាផ្ទាល់ និងបុគ្គលិករាប់រយនាក់ នៅតែជាអាទិភាពចម្បងរបស់ពួកគេ។ Jazz Keyboardist លោក Jon Batiste មានបេក្ខភាពច្រើនជាងគេចំនួន 11 នាក់ ខណៈដែល Olivia Rodrigo, Lil Nas X, Billie Eilish, Justin Bieber និង Doja Cat សុទ្ធសឹងទទួលបានពានរង្វាន់សំខាន់ៗ។

វាកើតឡើងបន្ទាប់ពីមហោស្រពភាពយន្ត Sundance បានលុបចោលព្រឹត្តិការណ៍ផ្ទាល់ទាំងអស់នៅក្នុងរដ្ឋ Utah ដោយលើកឡើងពីការរីករាលដាលយ៉ាងឆាប់រហ័សនៃជំងឺបំប្លែងថ្មីអូមីក្រុង។ អ្នករៀបចំបាននិយាយនៅក្នុងសេចក្តីថ្លែងការណ៍មួយថា ការបញ្ចាំងភាពយន្ត និងព្រឹត្តិការណ៍ឯករាជ្យទាំងអស់នឹងប្រព្រឹត្តទៅតាមអ៊ីនធឺណិត។ ពានរង្វាន់ Grammy Awards ឆ្នាំ 2021 គឺជាព្រឹត្តិការណ៍កូនកាត់ដោយទស្សនាផ្ទាល់ផង និងតាមអ៊ីនធឺណិតផង បន្ទាប់ពីមានការកើនឡើងនៃចំនួនអ្នកឆ្លងនៅក្នុងទីក្រុង Los Angeles និងរដ្ឋកាលីហ្វ័រញ៉ា ត្រូវបានពន្យារពេលរហូតដល់ខែមីនា។

អត្ថបទដកស្រង់ពី Jennifer Meierhans
បកប្រែនិងកែសម្រួលដោយ Mr. Blue