ដើម្បីអបអរពិធីបុណ្យភ្ជំបិណ្ឌខាងមុខនេះ ផលិតកម្ម Galaxy Navatra បានបញ្ចេញបទចំរៀងប្រពៃណីជាច្រើនបទដល់វីរសិល្បករល្បីៗប្រចាំផលិតកម្មជាច្រើនដួងផងដែរ។ ដោយនៅពេលថ្មីៗ លោកខេម និងកញ្ញាតន់ចន្ទសីម៉ាក៏បានចេញបទចំរៀងរួមគ្នាមួយបទរួចមកហើយដែលមានចំណងជើងថា «ក្រមុំ Grade A» ដោយបានចេញផ្សាយឡើងនៅក្នុងថ្ងៃទី០៧ ខែកញ្ញាកន្លងទៅនេះ។ កំពូលសិល្បករទាំងពីររូបនេះបានមកប៉ះគ្នាជាថ្មីម្តងទៀតបន្ទាប់ពីមានបទចំរៀងជាច្រើនបទជាមួយគ្នាកន្លងមកដូចជាបទដុល្លាមានរិទ្ធិ Wifi កោះអ្វី?កំលាំងកាយក៏អស់កំលាំងចិត្តក៏គ្មាន ដែលសំលេងរបស់អ្នកទាំងពីរពិតជាពិរោះ និងចូលគ្នាបានយ៉ាងល្អណាស់ ហើយបានធ្វើអោយកក្រើកពិភពតន្រ្តីម្តងទៀតតាមរយៈការបកស្រាយចំរៀងមួយនេះ។ សំរាប់ការផលិតនៃបទចំរៀងមួយនេះផងដែរឃើញថាផលិតកម្ម Galaxy Navatraបានចំណាយពេលវេលា កំលាំងកាយ និងថវិកាយ៉ាងយកចិត្តទុកដាក់ដើម្បីផលិតវាចេញមកដោយរក្សាបានទាំងគុណភាព និងតម្លៃ។ ចំពោះក្រុមតន្រ្តីនារីវិញត្រូវបានសំរិតសំរាំងមកពីសាលាវិចិត្រសិល្បៈ និងមានការចូលរួមមួយផ្នែកពីក្រុមនារី Kino។
ចំនែកឯទំនុកច្រៀងវិញត្រូវបានតាក់តែងនិពន្ធផ្ទាល់ដោយលោកឧកញ៉ា ឡេងណាវ៉ាត្រាតែម្តងរួមនឹងចៅឃ្មុំ។ រីឯបទភ្លេងវិញនិពន្ធដោយសិល្បករស្រស់សង្ហានិងមានទេពកោស្យមានឈ្មោះបោះសំលេងក្នុងពិភពសិល្បៈជាយូរឆ្នាំលោក Tempo Tris។ ចង់ដឹងថាផលិតកម្ម Galaxy Navatra នឹងបញ្ចេញបទចំរៀងខ្នាតធំជាច្រើនបទបន្តបន្ទាប់គ្នាអ្វីខ្លះ មានតែត្រូវរង់ចាំទស្សនាទាំងអស់គ្នា។ អ្នកបានស្តាប់បទចំរៀងមួយបទនេះហើយក៏លាន់មាត់សរសើរពីថ្វីដៃផលិតដ៏អស្ចារ្យ ជាពិសេសពេញចិត្តដែលផលិតកម្ម Galaxy Navatra តែងតែបង្ហាញពិភពលោកអោយបានឃើញទំរង់សិល្បៈសម្តែង និងការៀបចំមានលក្ខណៈខ្មែរសុទ្ធ ពោលគឺមានអ្វីជារបស់ខ្លួនឯងតែម្តង។
